web counter
LEXO PA REKLAMA!

SHKARKO APP

App Store
Google Play

E fundit!

x

Skandali i korrupsionit: 15 vjet burg për krerët vendorë

3 Qershor 2014, 13:41, Aktualitet CNA

Gjykata e Matit ka dhënë 15 vjet burg për kryetarë komunash e shefa finance të rrethit të Matit të përfshirë në një aferë korruptive me fonde publike. Ajo ka dënuar me burg 2 kryetarë komunash të këtij rrethi, si edhe 2 shefa finance në komunat përkatëse të cilët akuzohen përkatësisht për shpërdorim detyre dhe për falsifikim dokumentash. Vendimet e gjykatës vijnë pas një skandali korrupsioni nga i cili janë përfituar në mënyrë të paligjshme 534 mln lekë në mënyrë të paligjshme. Ata janë dënuar nga gjykata me arsyetimin se kanë ngritur një skemë korruptive, ku kishin përfituar nëpërmjet metodave korruptive rreth 534 milion lekë nëpërmjet një firme fantazmë, të cilën e kishin ngritur prej vitit 2006, duke derdhur aty tenderimet e limituara me prokurim të drejtpërdrejtë. Sipas akuzës së prokurorisë, nëpërmjet manovrimeve e falsifikimeve, duke përdorur fshehurazi edhe emrin e bashkëshortes së një tjetër kryekomunari, që nuk kishte dijeni për këtë abuzim, janë përfituar këto para, kryesisht të xhiruara për blerje të vogla, materiale, pajisje, shërbime operative, e pajisje të ndryshme. Muajin e kaluar kjo gjykatë dënoi me nga dy vjet burg kryetarin e Komunës Gurrë, Mustafa Celami, i përfshirë sipas saj në afera korruptive, si edhe me po 2 vjet burg Behar Metrën, ish-nëndrejtor i Spitalit të Burrelit dhe Elton Manin, ish-shefi i Financës në Drejtorinë e Shëndetësisë.

Ja dhe dënimet e plota të dhëna nga Gjykata e Matit:

1 vit burg për kreun e Komunës Rukaj, Hamit Xhakrosa

2 vjet burg për kreun e Komunës Xibër, Lutfi Çeka

2 vjet burg për kreun e Komunës Gurrë, Mustafa Celami

2 vjet burg për kryefinancierin e Komunës Baz, Hajredin Bardhi

3 vjet burg për shefin e Financës së komunës Rukaj, Gani Ruka

1 vit burg për ish-shefin e financës në Komunën Lis, Dritan Farrici

2 vjet burg për ish-nëndrejtorinei Spitalit të Burrelit, Behar Metra

2 vjet burg për ish-shefin e Financës në Drejtorinë e Shëndetësisë, Elton Mani





Lajmet e fundit nga