E fundit!

09:13 Kronika

Vodhën milionat për pensionet dhe ndihmat sociale/ Në pranga 3 zyrtaret e Postës Shqiptare

Një rast skandaloz dhe kriminal është regjistruar në Durrë...

Drejt Brazilit! Këshillat për të qëndruar të shëndetshëm

2 Qershor 2014, 16:24, Aktualitet CNA

Kupa e Botës Brazil 2014 do të mirëpresë qindra-mijëra fansa nga e gjithë bota që do të grumbullohen në 12 qytete braziliane nga 12 qershori deri më 13 korrik. Më poshtë renditen disa prej këshillave që ju jepen udhëtuesve për të qëndruar të shëndetshëm gjatë turit të tyre në shtetin amerikano-jugor, të përzgjedhura nga një sërë burimesh të shëndetit publik.

– Sigurohuni që të vaksinoheni në kohë. Qendra për kontrollin dhe parandalimin e sëmundjeve rekomandon marrjen e vaksinave kundër fruthit, shytave, rubeolës, difterisë, tetanozit, kollës së mirë, lisë, poliomelitit dhe gripit që janë më tepër prezente. Gjithashtu rekomandohet pyetja e mjekut për marrjen e vaksinës kundër hepatitit A, tifos, hepatitit B, verdhëzës dhe tërbimit.

– Qendra Ndërkombëtare për Asistencë Mjekësore ndaj Udhëtuesve nënvizon se Belo Horizonte, Brasilia, Cuiaba dhe Manaus janë zona epidemike të verdhëzës. Ndërkohë që qytetet e tjera si Rio de Janeiro, São Paulo, Fortaleza, Recife, Salvador, Porto Alegre, Natal dhe Curitiba, nuk shfaqin rrezik në këtë drejtim.

– Malaria, e shfaqur nga kafshimet e mushkonjave është me rrezik në rajonin e Amazonës në Brazil, duke përfshirë dhe një nga qytetet mikpritëse Manaus, sipas shërbimit publik mjekësor të Britanisë së Madhe. Autoritetet këshillojnë ndjekjen e disa veprimeve ?anti-mushkonjë? si: veshja e rrobave me ngjyra të ndezura, mbyllja e dritareve të hoteleve gjatë natës etj.

– Shmangni notin në ujëra të ftohta si liqenet, lumenjtë, pellgjet, sepse në Brazil është tepër i përhapur një infeksion i përhapur nga kërminjtë e ujit.

– Lani duart sa më shpesh dhe shmangni kontaktin me njerëz të sëmurë, sa më shumë të mundeni.

– Pini sa më shumë ujë, mundësisht në shishe, dhe konsumoni sa më shumë fruta.

– Bëni seks të sigurtë. Merrni prezervativë nga vendet tuaja për të qenë të sigurtë për cilësinë e tyre. Mos konsumoni drogë dhe alkool.

(SHENIM): Materiali u përkthye me shkurtime nga një shkrim i Washington Post i gazetarit Lenny Bernstein. Ja dhe linku origjinal:

http://www.washingtonpost.com/news/to-your-health/wp/2014/06/02/heading-to-the-2014-world-cup-nine-things-you-can-do-to-stay-healthy-in-brazil/?hpid=z5