E fundit!

07:15 Sociale

Rriten temperaturat/ Moti për ditën e sotme

Ditën e sotme vendi ynë do të mbetet nën ndikimin e masave...

Greva e të larguarve nga puna në ditën e 14-të. Qafzezi thirrje Ramës për dialog

2 Qershor 2014, 22:00, Aktualitet CNA

Të larguarit nga administrata vijojnë prej 14 ditësh grevën e urisë në çadrat e ngritura në lulishten pranë godinës së Kryeministrisë, duke kërkuar rikthimin në punë. Gjendja shëndetësore e grevistëve rëndohet nga dita në ditë, ndërsa shumica e tyre kanë marrë disa herë trajtim mjekësor, por shprehen të vendosur për të vazhduar grevën deri në fund.

Kryetarja e shoqatës së të larguarve nga administrata, Nertila Qafzezi i bëri sërish thirrje sot kryeministrit Rama për të dialoguar me ta. ?I bëjmë thirrje kryeministrit, pasi gjendja është e rëndë, nuk e bëjmë për veten por për të ardhmen e një brezi. Rama bëhu human dhe i përgjegjshëm. Jemi këtu në pritje të dialogut?. tha ajo.

Ditën e sotme 29 zjarrfikës të stacionuar pranë tunelit të Kalimashit, të pushuar tashmë nga puna janë solidarizuar me grevën. ?Ne jemi këtu për të sensibilizuar popullatën, jemi të përjashtuar dhe të penalizuar. Erdhëm në grevë pasi asnjë derë nuk na është hapur jemi përbuzur, nuk na është dhënë asnjë shpjegim? ka thënë njëri prj zjarrfikësve.

Në mbështejte të tyre ka dalë edhe ish-drejtori i Forcave Zjarrfikëse, Dilaver Laci, duke thënë se ata janë të trajnuar dhe mbeten një pasuri kombëtare. ?Jam kundër Shkurtimit të organikës, pasi janë të trajnuar. Shërbimi zjarrfikës i shërben njerëzve nuk kemi lidhje me politikën. Për një muaj nuk bëhesh dot zjarrfikës?, tha Laci.

Për pushimin e tyre nga puna ka reaguar edhe kryetarja e shoqatës së të larguarve nga administrata, Nertila Qafzezi, e cila gjatë thirrjes për dialog që i ka bërë sot Kryeministrit Rama është shprehur: ?Ne jemi të ngujuar masakra ne administratë vazhdon, vazhdojnë largimet e paligjshme 29 zjarrfikës në tunelin e Kalimashit, janë pushuar rishtaz ky një sinjal ogurzi.?

Largimi nga puna i 29 zjarrfikësve ka erdhur në datën 23 maj dhe një ditë më pas ata kanë organizuar edhe një protestë kundër këtyre shkarkimeve, që sipas tyre janë pa motivacion.