web counter
LEXO PA REKLAMA!

SHKARKO APP

App Store
Google Play

E fundit!

x

Fyle: Shoh pozitivitet në vendimmarrjen e ardhshme të BE

3 Qershor 2014, 22:00, Aktualitet CNA

Tashmë që është mësuar se Komisioni Europian do të rekomandojë marrjen e statusit kandidat për Shqipërinë, pa asnjë kusht shtesë, topi është në duart e Këshillit, që pritet të marrë një vendim disa ditë më vonë.

Komisioneri për Zgjerimin, Stefan Fyle, i cili mbërriti në Tiranë për t?u takuar fillimisht me kryeministrin Edi Rama dhe më pas me ligjvënës në një tryezë të nivelit të lartë, tha se e sheh me pozitivitet vendimmarrjen e ardhshme të vendeve anëtare.

?Progresi është i dukshëm në luftën kundër korrupsionit dhe luftën kundër krimit të organizuar,? mësohet të jetë shprehur Fyle.

Burimet thonë se Fyle ka theksuar se ?ka nevojë për një front të përbashkët në luftën kundër narkotikëve?.

Burimet jozyrtare thonë se Fyle ka shtuar se ?politizimi i kësaj çështjeje nuk i shërben qëllimit?.

?Ka progres në luftën kundër krimit të organizuar. Ka vullnet politik për të luftuar trafikun dhe krimin. Policia ka ndërmarrë operacione të suksesshme për të luftuar drogën dhe krimin. Duhet të vahzdojë lufta kundër trafikut dhe krimit me të njëjtin ritëm në të ardhmen?.

?Ka nevojë për një reformë të thellë në drejtësi. Në këtë reformë duhet të përfshihet edhe Komisioni i Venecias. Duhen forcuar masat disiplinore ndaj gjykatësve të inkriminuar?.

?Vullneti politik për reformat është i dukshëm. Deri tani reformat e ndërmarra nga qeveria shqiptare shkojnë në drejtimin e duhur. Nevojitet dialog mes mazhorancës dhe opozitës?, theksoi Fyle.

Gazeta Tema





Lajmet e fundit nga