web counter
LEXO PA REKLAMA!

SHKARKO APP

App Store
Google Play

Nishani u ankohet ambasadorëve të NATO-s për qeverinë

6 Maj 2014, 22:00, Politikë CNA

Presidenti Bujar Nishani ka pritur gjatë ditës së sotme në Presidencë, ambasadorët e NATO-s që ndodhen në Tiranë.

Gjatë këtij takimi, Nishani është ankuar për qeverinë, e cila, sipas tij, po i merr kompetencat.

?Presidenti Nishani u shpreh se ka mbështetur dhe do të vazhdojë të mbështesë programin e qeverisë për reformat në fushën e sigurisë dhe mbrojtjes, duke synuar arritjen e një konsensusi sa më të gjerë, në interes të rritjes së sigurisë kombëtare dhe përmbushjes së detyrimeve ndaj Aleancës së Atlantikut të Veriut dhe theksoi se mbetet i vendosur për të kontribuar, me të gjithë autoritetin që i jep ligji, që çështjet e sigurisë të trajtohen në përputhje me kushtetutën, ligjet dhe praktikat më të mira të vendeve të NATO-s.

Më tej, presidenti, në cilësinë e Kreut të Shtetit dhe të Komandantit të Përgjithshëm, ndau disa shqetësime për transparencën e procesit, mungesën e konsultimeve paraprake me aktorët dhe faktorët e përfshirë, koherencën kushtetuese dhe me ligjet në fuqi, respektimin e parimit të kontrollit dhe balancës së pushteteve dhe ruajtjen nga politizimi për vendimmarrje strategjike, që kanë të bëjnë me tre projekt?ligje të përgatitura kohët e fundit, dhe konkretisht me projekt-ligjin ?Për Pushtetet dhe Autoritetet e Drejtimit dhe Komandimit Strategjik të Forcave të Armatosura?, projekt-ligjin ?Për Gradat dhe Karrierën Ushtarake të Forcave të Armatosura të Republikës së Shqipërisë?, si dhe projekt-ligjin ?Për Agjencinë e Inteligjencës dhe Sigurisë së Mbrojtjes?.

Presidentit Nishani shprehu gjithashtu mendimin edhe për Projekt-Strukturën e Forcave të Armatosura?, duke vënë në dukje mangësi kritike për sa i përket procesit, edhe nga ana ligjore, i informoi Ambasadorët e pranishëm se në respekt të balancës së pushteteve të përcaktuara nga Kushtetuta, ia ka përcjellë këto mangësi ligjore të projekt-strukturës Kuvendit të Shqipërisë si autoriteti më i lartë për vendimmarrje ligjore?, thuhet në një njoftim të Presidencës.

Gazeta Tema





Lajmet e fundit nga