web counter
LEXO PA REKLAMA!

SHKARKO APP

App Store
Google Play

Duma shiti brenda ditës të njëjtin apartament te dy njerëz të ndryshëm

30 Prill 2014, 22:00, Politikë CNA

Grida Duma, koordinatorja e marrëdhënieve me publikun në Partinë Demokratike, e ka shitur brenda ditës të njëjtin apartament tek dy njerëz të ndryshëm. Thellohet kështu akoma më shumë skandali i zyrtares së PD, gjatë kohës kur ajo ishte ndërtuese.

Por si është historia? Duma ka qenë aksionere me 30 përqind në kompaninë ?Kristian Construction? së bashku me Roland Rexhon. Të dy i marrin truallin një të moshuari, të quajtur Albert Pali, dhe i premtojnë në këmbim se do i japin tre apartamente. Pasi i marrin atij 281 metra katrorë truall, i premtojnë tre apartamente 2 plus 1. Por në fund, Pali përfundon vetëm me një apartament, pasi dy të tjerët shiten tek blerës të tjerë.

Mos harroni se bëhet fjalë për apartamente të shitura me mbi 90 mijë euro. Jo vetëm kaq, por njëri apartament u shit në ditën kur u bë kontrata me Palin. Në atë ditë atij i shitej apartamenti, por ndërkohë paratë i merreshin edhe një blerësi nga Kruja. E përditshmja Dita spekulon se arsyet se përse është vepruar kështu vijnë pasi mendohej se Pali do vdiste shpejt. Ai është 85 vjeç. Ndërkohë, avokati i Palit, Ferdinand Doja, thotë se ky nuk është sulm politik, pasi Dumës nuk po i ngarkohet diçka që nuk e ka bërë.

Gazeta Tema





Lajmet e fundit nga