E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Balluku ultimatum furnizuesve të naftës/ Rishikoni kontratat e eksportit

11 Mars 2022, 08:54, Politikë CNA

Ministrja e Infratrukturës dhe Energjitikës, Belinda Balluku ka paralajmëruar sanksione për furnizuesit e naftës në vend, edhe në lidhje me eksportet. Pra, me sasinë e karburantit që tregtojnë në eksport.

Gjatë një takimi që po zhvillon sot me furnizuesit e naftës në vend, Balluku theksoi se sasia e karburantit që do të lejohet të eksportohet do të vendoset nga bordi dhe se furnizuesit do të jenë të detyruar të rishikojnë kontratat e eksportit.

?Shumë nga kompanitë kryejnë edhe eksport, ju tregtoni edhe në eksport. Kjo është diçka që do ta vendosë bordi, lidhur me volume që duhet të jenë të pranishme në vend.

Duke sanksionuar rezerven e sigurisë, do të jeni të detyruar të rishikoni edhe kontratat e eksportit?-tha Balluku.

Po ashtu, Balluku theksoi se nga nesër do të nisin kontrollet në terren ndaj furnizuesve të naftës për të kontrolluar nëse kanë gjendje rezervën e sigurisë së naftës, detyrim ligjor ky.

Sipas Ballukut, rezerva që duhet të kenë furnizuesit duhet të jetë e barabartë me 90 ditë shitje.

“Është e nevojshme të flasim për çfarë kërkon qeveria nga ju, kërkojmë të përmbushet detyrimi i rezervave faktike që ju duhet të keni. Ministria i ka të dhënat dhe janë të qarta dhe transparente të gjithë sasitë e rezervës së sigurisë që secili nga ju duhet të mbajë. Jeni të detyruar të mbani rezerva sigurie. Rafineritë e naftës dhe shoqëritë et tregtimit duhet të mbajnë rezerva sigurie të barabarta me 90 ditë sigurie shitje. Bordi që kryeministri përmendi që do ngrihet për të menaxhuar në bazë ditorë të gjithë ecurinë e tregut ët naftës do ketë detyrë që përmes instrumenteve të kontrollit që administrojmë, do nisim kontroll në terren për të parë gjendjen faktike të depozitave të naftës ku duhet të gjendet sasia e rezervës së sigurisë të kërkuar. Kjo do të nisë duke filluar nga nesër në terren, në rast më të mirë, do ishte e udhës që të deklaronit zyrtarisht sasia e rezervës që mbani për të koordinuar me sasinë që kemi përllogaritur”, tha ministrja./CNA.al