web counter
LEXO PA REKLAMA!

SHKARKO APP

App Store
Google Play

E fundit!

x

Së shpejti trageti Ohër - Shën Naum - Pogradec

17 Prill 2014, 16:25, Aktualitet CNA

Së shpejti do të jetë në funksion të turistëve trageti Ohër – Shën Naum – Pogradec, i cili do t?i hapë rrugën zhvillimit të mëtejshëm të turizmit. Kryetari i Bashkisë së Pogradecit zoti Artan Shkëmbi, tha për City FM se tashmë çdo gjë është gati, që trageti të vihet në funksion. Kjo linjë do të bëjë të mundur që turistët që vizitojnë Ohrin, të kenë mundësi të vizitojnë edhe Pogradecin. ?Pritet vetëm caktimi i një date, nga ministrat e transporteve të dy vendeve, për inagurimin e këtij projekti? ka thënë Shkëmbi. Trageti do të ketë 5 orare gjatë ditës, në muajt e verës, për tju dhënë mundësi turistëve të vizitojnë edhe anën tjetër të liqenit të Ohrit. Projekti ka rreth 8 vite që diskutohet të vihet në zbatim, por është zvarritur për shumë arsye nga pala maqedonase. Tashmë grupet e punës janë takuar dhe kanë rënë dakord që projekti të vihet në zbatim shumë shpejt, mbase në javët në vijim. Sipas Shkëmbit, ka përfunduar ndërtimi i molit ku do të ankorohet trageti dhe pritet tashmë vetëm momenti i inagurimit, që trageti të vihet në punë. Momentalisht do të funksionojnë vetëm tragetët që do të vijnë nga Maqedonia, por shumë shpejt do të ketë edhe tragetë nga Pogradeci, të cilët do të shkojnë drejt Ohrit. Projekti pritet të sjellë zhvillim të turizmit të zonës, pasi do të sjellë fluks turistësh në zonën e Pogradecit, të cilët do të kenë mundësi të vizitojnë vendin tonë dhe të shijojnë atë që ofron pjesa tjetër e liqenit të Ohrit.





Lajmet e fundit nga