E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

19-vjecari, grabit 3 gra dhe plagos policin, shpallet ne kerkim

29 Mars 2014, 22:39, Aktualitet CNA

Nje ngjarje per filmat aksion ka ndodhur sot ne mesdite ne Tirane. Ministria e Brendshme, ne nje njoftim per mediat theksoi se, Salla Operative e Drejtorise se Policise së Qarkut Tiranë është njoftuar se në rrugën ?Sami Frashëri?, pranë selisë së LSI, dy persona me kapuçë në kokë, me një motorr ngjyrë të zezë dhe në pamje të parë me fuqi motorrike të madhe kanë tentuar të vjedhin me dhunë tre gra. Policia ka mundur të lokalizojë drejtimin e lëvizjes së dy personave, të cilët ishin drejtuar për nga ?Libri Universitar?. Në orën 15:55 policia arrin të evidentoje se dy personat me motorrin e tyre po lëviznin në drejtim të sheshit ?Nënë Tereza?.

Një patrullë me katër punonjës policie u ka dalë përpara dy të dyshuarve pranë ?Hotel Sheraton?. Punonjësit e policisë i kanë bërë shenje drejtuesit të motorrit që të ndalonte, por ai jo vetëm që nuk ka ndaluar, por ka shtuar shpejtësinë. Në këto kushte oficeri i patrullës së përgjithshme A.G. ka tentuar ta ndalojë drejtuesin e motorrit, por dy personat kanë mundur të largohen. Punonjësi i policisë është lënduar lehtë.

Policia ka vijuar ndjekjen e personave të dyshuar, të cilët kanë kaluar nga Radio Televizioni Shqiptar në drejtim të sheshit Sulejman Pasha. Pak minuta më vonë një patrullë këmbësore e policisë e vendosur me shërbim në rrugën ?Luigj Gurakuqi?, e cila po ndiqte situatën në radio, ka konstatuar motorrin me dy personat e dyshuar që lëviznin me drejtim nga sheshi ?Sulejman Pasha? për tek sheshi ?Avni Rustemi?.

Menjëherë punonjësit e patrullës i dalin përpara motorrit dhe i bëjnë shenjë për ndalim. Por drejtuesi i motorrit me dashje godet oficerin e patrulles R.Dogjani. Si pasojë e përplasjes edhe drejtuesi i motorrit ka humbur kontrollin e mjetit dhe janë rrëzuar bashkë me mjetin në tokë. Oficeri R.Dogjani pas goditjes ka mbetur i shtrirë në tokë pa ndjenja, ndërsa kolegu i tij i ka dhënë ndihmën e parë. Të dy personat e dyshuar janë larguar me vrap në drejtim të markatës së Pazarit të Ri.

Brenda një kohe rekord policia arriti të identifikojë drejtuesin e motorrit i cili është shtetasi Zhenklaudjo Luan Sallaku, i vitlindjes 1995, banues në rrugën ?Siri Kodra? në Tiranë, i njohur si person me precedentë kriminalë për tendencën e ?Vjedhjes me dhunë?. U bë shpallja në kërkim policor për të dyshuarin Zhenklaudjo Sallaku dhe po punohet për kapjen e tij si dhe identifikimin e bashkëpuntorit.

Nga kqyrja e vendit të përplasjes së motorrit me punonjësin e policisë R.Dogjani janë fiksuar njolla gjaku të autorit të ngjarjes si dhe u bë sekuestrimi i motorrit i markes ?Yamaha Tmax?, pa targa.

Punonjësit e policisë të plagosur nga kjo ngjarje, pasi kanë marrë ndihmën mjekësore në spital janë rikthyer në banesat e tyre dhe sipas mjekëve nuk ka asnjë probem të mëtejshëm për shëndetin e tyre.

Materialet do t?i referohen Prokurorisë për veprën penale të ?Vrasjes në rrethana të tjera cilësuese e mbetur në tentative? parashikuar nga Neni 79, pika C dhe Neni 22 të Kodit Penal.

Policia e kryeqytetit ka kerkuar mbeshtetjen e qytetareve te Tiranes duke theksuar se ” të gjitha qytetarët që mund të kenë informacione lidhur me vendndodhjen e shtetasit Zhenklaudjo Sallaku dhe bashkëpunëtorit të tij, që të informojnë në sallën operative të Policisë së Tiranës, në murin 129″.