LEXO PA REKLAMA!

SHKARKO APP

Shitjet e “iPhone”-ve pa karikues/ Brazili merr vendimin drastik, thirrja për “Apple”

7 Shtator 2022, 18:29, Tech CNA
Shitjet e “iPhone”-ve pa karikues/ Brazili merr vendimin drastik,
Karikues për "iPhone"

Brazili ka ndaluar shitjet e “iPhone”-ve të dërguar pa karikues në paketim.

Ky vendim ka ardhur dy vite pasi “Apple” ndaloi së paketuari karikues dhe kufje në kutitë e shitjes me pakicë të “iPhone”.

Një urdhër i publikuar dje nga Ministria Braziliane e Drejtësisë dhe Sigurisë Publike vuri në dukje se kompania po gjobitet me 2.34 milionë dollarë (12.275 milionë BR$).

Ministria deklaronte se produktet e ofruara nuk ishin të mjaftueshme dhe i shtonin barrën konsumatorit për të marrë një karikues.

Sipas autoritetetve braziliane, për të zvogëluar paketimin, kompania mund të ndërmarrë hapa të tjerë si kalimi në “USB-C” nga porta “Lightning”, për të karikuar iPhone.

Nga ana tjetër, "Apple" i tha “Reuters” se po punon me agjencinë lokale të mbrojtjes së konsumatorëve, për të gjetur një zgjidhje për shqetësimet e tyre.

"Ne kemi fituar tashmë disa vendime gjyqësore në Brazil për këtë çështje dhe jemi të bindur se klientët tanë janë të vetëdijshëm për opsionet e ndryshme për karikimin dhe lidhjen e pajisjes së tyre", u shpreh një zëdhënës i “Apple”.

Gjigandi i teknologjisë pretedon se duke hequr karikuesit nga kutia e shitjes me pakicë, kompania ka qenë në gjendje të zvogëlojë emetimet e karbonit ekuivalent./ B.A. - CNA.al

Lajmet e fundit nga