web counter
LEXO PA REKLAMA!

SHKARKO APP

App Store
Google Play

Pse "Instagram"-i po ju pyet për ditëlindjen?

15 Shtator 2022, 11:12, Tech CNA

Kur hap "Instagram"-in për "t’i hedhur një sy", krejt papritur të shfaqet një opsion i ri “Add Your Birthday.” Ti mund ta kesh injoruar herë pas here, por këmbëngulja e "Instagram"-it për të të mësuar ditëlindjen është më e fortë.

S’të mbetet zgjidhje tjetër vetëm të tregosh datën dhe vitin, nëse do të vazhdosh aktivitetin tënd normal në "Instagram". Pse po e bën platforma këtë? Është thjesht çështje protokolli.

Në fakt, këtë kërkesë "Instagram"-i e ka nisur që prej 2019-ës, por te ju që keni krijuar një adresë para këtij viti, ky opsion mungonte. Pra, është thjesht një mënyrë për të përditësuar rrjetin.

Arsyeja tjetër kryesore lidhet me politikat e kompanisë për t’u siguruar që fëmijët nën 13 vjeç të mos përdorin "Instagram"-in.

Diçka tjetër që duhet ta dini me patjetër është se nuk mund ta editoni apo ndryshoni ditëlindjen tuaj. Kjo, për të shmangur moshën false që përpiqen të vënë zakonisht të vegjëlit për të krijuar një llogari.

A jua shohin të gjithë ditëlindjen?

Ndryshe nga "Facebook"-u që e lë opsionale, "Instagram"-i nuk e ndan me askënd ditëlindjen tuaj./CNA.al





Lajmet e fundit nga