web counter
LEXO PA REKLAMA!

SHKARKO APP

App Store
Google Play

E fundit!

x

“Meta”, në krizë/ Zuckerberg ngrin punësimet dhe shkurton buxhetin

30 Shtator 2022, 15:20, Tech CNA
“Meta”, në krizë/ Zuckerberg ngrin punësimet dhe
CEO i “Meta”-s, Mark Zuckerberg

Pas një dekade të suksesshme, kompania e njohur më parë si “Facebook” po ndërmerr masa ekstreme. CEO i “Meta”-s, Mark Zuckerberg, ka bërë publike planet për të ngrirë punësimin dhe për ristrukturimin e disa grupeve brenda kompanisë.

Sipas Bloomberg, “Meta” ka në plan të tkurrë gjerësisht buxhetet brenda kompanisë, duke përfshirë edhe ekipet në të cilat ka investuar kohët e fundit.

Zuckerberg sinjalizoi se kompania po kalonte kohë të vështira në korrik. Në një takim të brendshëm, ai vuri në dukje se kompania e tij po i afrohej "rënies më të keqe që kemi parë në historinë e fundit", që do të frenonte punësimin.

“Meta” tashmë ka ndërprerë në mënyrë selektive punësimin brenda disa sektoreve në kompani, por ngrirja universale e punësimeve shënon një epokë të re.

"Unë mendoj se disa prej jush mund të vendosin që ky vend nuk është për ju dhe unë respektoj zgjedhjen tuaj. Realisht, ka ndoshta një grup njerëzish në kompani që nuk duhet të jenë këtu", tha Zuckerberg.

Kujtojmë se muajt e fundit “Meta” ka investuar për VR-në (Virtual Reality) dhe krijimin e metaverses dhe po përpiqet gjithashtu të krijojë avancojë me produktet video, si Reels, që mund të konkurrojnë me “TikTok”.

Ngrirja e punësimeve sinjalizon kohë relativisht të vështira për kompaninë mëmë të “Facebook”, “Instagram” dhe WhatsApp. Ndërkohë që shumë kompani të teknologjisë po përballen me vështirësitë ekonomike globale, “Meta” po përballet gjithashtu me kërcënime të reja ndaj biznesit të saj të reklamave, veçanërisht nga ndryshimet e privatësisë iOS, të zbatuara nga “Apple” vitin e kaluar./ CNA.al





Lajmet e fundit nga