web counter
LEXO PA REKLAMA!

SHKARKO APP

App Store
Google Play

E fundit!

x

Elon Musk prezanton robotin humanoid Optimus/ Beteja e "Tesla"-s përballë skeptikëve

2 Tetor 2022, 14:00, Tech CNA
Elon Musk prezanton robotin humanoid Optimus/ Beteja e "Tesla"-s
Roboti humanoid Optimus

Miliarderi Elon Musk ka prezantuar prototipin më të fundit të një roboti humanoid që po zhvillohet nga kompania e tij e makinave elektrike "Tesla".

Optimus u shfaq në skenë në një event të Silicon Valley, ku përshëndeti me dorë audiencën.

Musk tha se roboti ishte në proces pune, por mund të jetë në shitje për publikun pas disa vitesh.

Robotët e tregut masiv të "Tesla"-s do të testohen në fabrikat e makinave, thonë inxhinierët e kompanisë.

Prototipi u ngjit në skenë gjatë një prezantimi vjetor të Ditës së "Tesla AI" (inteligjencës artificiale).

Njerëzve iu prezantua një video e Optimus duke kryer detyra të thjeshta, të tilla si ujitja e bimëve, mbajtja e kutive dhe ngritja e shufrave metalike.

Musk tha se robotët do të prodhohen masivisht, me një kosto më të ulët se 20,000 dollarë (17,900 £) dhe do të jenë të disponueshëm në tri deri në pesë vjet.

Skepticizmi përballë "Tesla"-s

Investitorët dhe analistët financiarë kanë shprehur skepticizëm se "Tesla" do t'i drejtohet robotikës, duke e këshilluar që të fokusohet në projekte më afër biznesit kryesor të "Tesla"-s për makinat elektrike.

Por Musk tha se donte të zgjidhte një nga problemet më të vështira të inteligjencës artificiale: si të krijonte një makinë që mund të zëvendësojë një njeri.

Sipërmarrësi, i cili dikur paralajmëroi se inteligjenca artificiale është një kërcënim për njerëzimin, tha se "Tesla" dëshironte të sigurohej që kalimi në një shoqëri në të cilën robotët kryenin punën dhe njerëzit do të korrnin përfitimet, ishte i sigurt.

"Ne gjithmonë duam të jemi të kujdesshëm që të mos shkojmë në rrugën e Terminatorit," paralajmëroi ai, duke iu referuar një filmi të suksesshëm.

Ai theksoi se "Tesla" po ndërtonte masa mbrojtëse, duke përfshirë një buton ndalimi që nuk mund të ndërhyhej./ B.A. - CNA.al

Elon Musk prezanton robotin humanoid Optimus/ Beteja e "Tesla"-s





Lajmet e fundit nga