web counter
LEXO PA REKLAMA!

SHKARKO APP

App Store
Google Play

Apple Watch Pro/ Kompania gjigante së shpejti do të prezantojë linjën e re

26 Korrik 2022, 15:16, Tech CNA
Apple Watch Pro/ Kompania gjigante së shpejti do të prezantojë
Foto ilustruese

Kompania gjigante e teknologjise "Apple" pritet që në muajt në vazhdim të hedhë në treg një sërë linjash të reja. Ndër këto ia vlen të theksohet ora Apple Watch Pro.

Kjo orë do të ketë një ekran prej 2 inçëve, akoma më e madhe se Apple Watch Series 8 ose thënë ndryshe se do të ketë një ekran prej 7% më të madh se modeli aktual në treg.  

Në këtë orë do të shfaqen më shumë metrika të lidhura me fitnesin dhe aktivitetet sportive ndaj dhe synimi i tij do të jetë tregu i atletëve. Dhe informacionet në lidhje me shëndetin do të jenë të përfshira në këtë model.

Nje tjetër risi që ia vlen të theksohet është bateria e saj, e cila do të jetë më e madhe se modeli i zakonshëm. Në këtë mënyrë u mundëson përdoruesve që të ndjekin stërvitjen për periudha më të gjata kohore.

Gjithashtu do të ketë shtresë të fortë metalike duke e bërë kështu dhe ekranin më të fortë dhe më rezistent ndaj dëmtimeve apo thyerjeve. Ora do të jetë rezisdente ndaj ujit si dhe do të ketë formën drejtkëndore./ CNA.al 





Lajmet e fundit nga