web counter
LEXO PA REKLAMA!

SHKARKO APP

App Store
Google Play

ZYRTARE/ Roma shkarkon trajnerin Mourinho

16 Janar 2024, 09:45, Sport CNA

Roma ka vendosur të shkarkojë trajnerin portugez, Jose Mourinho, me efekt të menjëhershëm.

Rezultatet e dobëta dhe humbja e fundit me Milanin, i kanë kushtuar “The Special One” postin e trajnerit të klubit kryeqytetas.

Tekniku portugez që e mori drejtimin e skuadrës në majin e vitit 2021 nuk do të jetë më në krye të verdhekuqve teksa lë skuadrën me dy finale evropiane, një në Europa League dhe një në Conference League.

Këtë të fundit e fitoi në Tiranë ndaj Feyenoord, duke i siguruar Romës një trofe pas shumë vitesh thatësirë.

Njoftimi i klubit:

"AS Roma njofton se Jose Mourinho dhe bashkëpuntorët e tij teknikë do të largohen nga klubi me efekt të menjëhershëm. Mourinho u zgjodh si trajneri i gjashtëdhjetë në historinë e Romës në maj të vitit 2021. Ai e drejtoi skuadrën drejt triumfit të Conference League në Tiranë më 25 maj 2022 dhe në finalen e Europa League në Budapest sezonin e kaluar.

Falënderojmë Jose Mourinho-n në emër të të gjithë Romës për pasionin dhe përkushtimin që ka trguar që nga ardhja e tij në kryeqytet. Ne gjithmonë do të kemi kujtime të shkëlqyera nga administrimi i tij, por ne besojmë se, në interesin më të mirë të klubit, ndryshimi i menjëhershëm është i nevojshëm.

U urojmë Jose-s dhe bashkëpunëtorëve të tij më të mirën për të ardhmen”, shkruante njoftimi zyrtar i klubit.





Lajmet e fundit nga