web counter
LEXO PA REKLAMA!

SHKARKO APP

ZYRTARE/ Portieri i Shpresave shpërblehet, firmos kontratën e parë si profesionist me klubin e njohur grek

18 Shkurt 2023, 11:10, Sport CNA

Portieri shqiptar, Klidman Lilo, ka nënshkruar kontratën e parë si profesionist me ekipin grek të Panathinaikosit. Pas paraqitjeve të shkëlqyera me të rinjtë, 20-vjeçari ka firmosur deri në 2025-ën.

Lajmin e bëri të ditur njoftimi i klubit: “Panathinaikos njofton nënshkrimin e kontratës së parë profesionale me Klidman Lilon. Portieri shqiptar ka nënshkruar kontratë deri në verën e vitit 2025. Lilo ka lindur në Athinë më 31 janar 2003 dhe është në akademinë e Panathinaikos që nga viti 2018”, thuhej për Lilon.

Ky i fundit është shprehur: “Jam veçanërisht i lumtur për kontratën time të parë profesionale me Panathinaikos. U jam mirënjohës të gjithëve që besuan tek unë dhe më ndihmuan në akademinë e klubit. Synimi im është të fitoj tituj me Panathinaikosin”, tha portieri i Shpresave.





Lajmet e fundit nga