web counter
LEXO PA REKLAMA!

SHKARKO APP

App Store
Google Play

Uzuni tregon vështirësitë: Më gjykonin vetëm se isha shqiptar

17 Shkurt 2023, 19:13, Sport CNA

Myrto Uzuni është duke kaluar një formë fantastike te Granada. Sulmuesi shqiptar ka arritur të shënojë 17 gola deri tani në La Liga 2. Së fundmi lojtari ka folur në “AS”, duke treguar të gjitha vështirësitë e jetës në median prestigjoze.

Fillimisht Uzuni ka folur për komunikimin që ka në fushën e lojës me Callejon, ish-sulmuesin e Real Madrid. Nëse Myrto shënon, me siguri që asist është i Callejon.

“E pashë që jemi dyshja më e mirë në Evropë. Callejón është një lojtar i madh, ka qenë në Real Madrid ose në Napoli. Ai ka shumë cilësi. E kuptoj veten shumë mirë në fushë dhe është kënaqësi të luaj me të.

Asgjë në jetën time nuk më bëri të lumtur, vetëm futbolli dhe të qenit në fushë. Unë jam njëqind për qind i sigurt për këtë, të gjithë ata që më njohin e dinë. Futbolli ishte rruga ime e arratisjes. E dija se futbolli ishte e vetmja mënyrë që familja ime të kishte një jetë më të mirë dhe të ecte përpara.

Familja ime bëri një sakrificë të madhe për të shkuar në Greqi, udhëtuam tre ditë nëpër male. Aty njerëzit më gjykonin se isha shqiptar. Ishim pa letra se Shqipëria nuk bën pjesë në BE. Kur arritëm atje ishte minus zero, zero do të ishte mirë. Të gjithë punojmë, më është dashur të punoj shumë për të ndihmuar familjen.

Është vendimi më i mirë që ka marrë ndonjëherë babai im. Kur Olimpiakos më refuzoi për mungesën e letrave, ne u kthyem pavarësisht se kjo nënkuptonte humbje financiare. Nuk ishte fitimprurëse. Paguam një tjetër udhëtim nëpër male për tre ditë prej 20,000 euro. Ishte shumë e vështirë, kjo është forca ime”, tha Uzuni.





Lajmet e fundit nga