web counter
LEXO PA REKLAMA!

SHKARKO APP

App Store
Google Play

ZYRTARE/ Ndeshja e "play off", Struga do të luajë në Shqipëri. Zbulohet stadiumi

18 Gusht 2023, 13:05, Sport CNA

Struga do të luajë në Shqipëri ndeshjen e “Play Off” të Ligës së Konferencës përballë Breidablik! UEFA ka vendosur të mos e licencojë stadiumin e Strumicës për shkak se nuk i plotëson kushtet për të luajtur një ndeshje kaq të rëndësishme.

Në këtë mënyrë, Struga do të luajë në stadiumin “Elbasan Arena”, aty ku fusha është në gjendje perfekte dhe kushtet e stadiumit janë ndër më modernet. Lajmin e ka konfirmuar vetë Federata Shqiptare e Futbollit.

“Sfida Struga-Breidablik, e vlefshme për fazën play-off të UEFA Conference League, do të luhet më datën 24 gusht në stadiumin “Elbasan Arena”, ora 19:00.

Vendimi është marrë në konsultim mes UEFA-s, Federatës së Futbollit të Maqedonisë së Veriut dhe Federatës Shqiptare të Futbollit, pasi stadiumi i Strugës nuk plotësonte kriteret e qeverisë së futbollit europian për ndeshjet e kësaj faze.

Gjithashtu, asnjë stadium tjetër në Maqedoninë e Veriut nuk përmbush aktualisht kriteret e UEFA-s dhe për këtë arsye u ra dakord me FSHF, që ndeshja e parë e Strugës të luhet në Shqipëri.

Përveç stadiumit, Federata Shqiptare e Futbollit do të ofrojë të gjithë asistencën e saj për organizimin sa më të mirë të ndeshjes falë edhe eksperiencës së madhe që ka në pritjen e kompeticioneve ndërkombëtare”, shkruan FSHF në komunikatën e saj.





Lajmet e fundit nga