web counter
LEXO PA REKLAMA!

SHKARKO APP

App Store
Google Play

E fundit!

x

Prapaskena/ Firmosi me Besiktas, Galatasaray tentoi të zbresë nga avioni Rashicën

17 Gusht 2023, 19:07, Sport CNA

Milot Rashica që sezonin e kaluar luajti në formë huazimi te Galatasaray është transferuar te rivali i madh i tyre, Besiktas.

Ylli shqiptar i cili për një kohë të gjatë ishte në agjendën e Galatasaray, ka arritur marrëveshje me Besiktasin dhe ka nënshkruar kontratën, duke u prezantuar të mërkurën.

Thuhet se pak para se Rashica të shkonte në Stamboll për transferim, drejtuesit e Galatasarayt e kanë marrë në telefon dhe i kanë thënë të mos hipë në avionin privat të rezervuar nga Besiktas, shkruan gazeta  e njohur turke Milliyet.

Në lidhjen telefonike thuhet se futbollisti 27-vjeçar ka përdorur shprehje të qarta ndaj drejtuesve të Galatasaray, duke iu thënë: “Jeni duke më vonuar me premtimet e juaja”.

Më tej shkruhej se Galatasaray ka tentuar në të gjitha mënyrat për të zbritur nga avioni yllin kosovar, por nuk ia kanë arritur.

Besiktas tashmë e ka regjistruar Rashicën dhe ai do të jetë gati për ndeshjen e radhes të klubit turk.

‘Shqiponja’ do të paguajë te Norwich  një tarifë totale prej 5.250.000 euro për katër sezone, duke filluar nga sezoni 2023-2024.

Milot Rashica sezonin e kaluar me Galatasarayn luajti në 30 ndeshje zyrtare ku shënoi 6 gola dhe dhuroi 7 asistime. Vlera aktuale e Milot Rashicës në treg është 8 milionë e 500 mijë euro.





Lajmet e fundit nga