web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Klubi shqiptar shkarkon trajnerin: Sporti duhet i ndarë nga politika

11 Dhjetor 2024, 18:09, Sport CNA

ZYRTARE/ Klubi shqiptar shkarkon trajnerin: Sporti duhet i ndarë nga

Klubi i Drenicës ka vendosur të shkarkojë trajnerin Bylbyl Sokoli. Shkak për këtë është bërë se tekniku i njohur doli në listë si kandidat për deputet në Kosovë, për “Vetvendosjen”.

Në një komunikatë zyrtare, klubi ka njoftuar largimin e trajnerit, duke thënë se sporti duhet të jetë i ndarë nga politika.

 NJOFTIMI I DRENICËS:

“Lirimi nga Detyra i Trajnerit të Klubit Futbollistik Drenica

Të nderuar qytetarë dhe tifozë të Klubit Futbollistik Drenica,

Me anë të këtij njoftimi, dëshirojmë t’ju informojmë se, më datë 11.12.2024, trajneri i Klubit Futbollistik Drenica, z. Bylbyl Sokoli, është liruar nga detyra. Ky vendim është marrë pas njoftimit të z. Sokoli, i cili ka vendosur të angazhohet në garën politike.

Vendimi është rezultat i angazhimit të klubit për të ruajtur paanësinë dhe për të shmangur çdo ndikim të mundshëm politik në aktivitetet tona sportive. Klubi Futbollistik Drenica mbetet i vendosur që sporti të qëndrojë i ndarë nga politika ditore, dhe ky hap vjen në përputhje me parimet tona.

Ne duam të falënderojmë z. Sokoli për përkushtimin e tij dhe për sukseset që ka arritur gjatë periudhës së bashkëpunimit.

Në ditët dhe javët në vijim, Klubi Futbollistik Drenica do të njoftojë për emrin e trajnerit të ri, i cili do të vazhdojë udhëheqjen e ekipit në rrugëtimin drejt titullit të kampionit të Ligës së Parë.

Faleminderit për mbështetjen dhe besimin tuaj të vazhdueshëm!

Klubi Futbollistik Drenica





Lajmet e fundit nga