web counter
LEXO PA REKLAMA!

SHKARKO APP

App Store
Google Play

E fundit!

x

Zhgënjim dhe hidhërim tek anglezët/ Kane "i mallkuar", Bellingham: Të nxjerrim mësime

15 Korrik 2024, 11:47, Sport CNA

Zhgënjim dhe hidhërim tek anglezët/ Kane "i mallkuar",

Festë, gëzim, lot dhe zhgënjim! Finalja e Europianit, mes Spanjës dhe Anglisë, kishte gjithçka brenda. Iberikët triumfuan 2-1, për të marrë në fund edhe trofeun e kampionit.

Autori i golit të parë për spanjolët, Nico Williams, u shfaq shumë i lumtur pas suksesit të ekipit të tij.

"Jam shumë euforik, të gjithë ne e meritojmë. Ndeshja ishte e vështirë, luftuam ndaj një skuadre të madhe. Unë ndihem shumë mirë në çdo rol, më pëlqen madje të ndryshoj shpesh pozicion."

Zhgënjimi ishte i madh tek anglezët, me mesfushorin Jude Bellingham, që deklaroi se skuadra duhet të nxjerrë mësime nga kjo disfatë.

"Ne nuk donim asgjë tjetër, përveçse ta shkruanim historinë dhe të bënim tifozët krenarë. Megjithatë nuk ia dolëm. Do analizojmë gjithçka. Është një grup i ri. Është zhgënjyese kjo humbje. Duhet të bëjmë më shumë. Duhet të nxjerrim mësime. Do t'i analizojmë gjërat pozitive dhe ato negative, për të gjetur një mënyrë se si të fitojmë."

Të vështirë për të gjetur fjalët, e kishte sulmuesi Harry Kane, të cilin e ndjek mallkimi i mosfitimit të trofeve, si në rang klubesh edhe në rang kombëtareje.

"Është e vështirë ta përshkruash me fjalë se si ndihemi në këtë moment. Ishte një ndeshje e vështirë, ishim në gjendje të ktheheshim në lojë, por hasëm në vështirësi të vazhdonim të ndërtonim. Të pësosh gol në fund është me të vërtetë e vështirë që ta pranosh. Kemi bërë përmbysje gjatë tërë kampionatit, por në këtë ndeshje nuk e bëmë hapin e fundit për të fituar. Në pjesën e parë kemi hasur në vështirësi. Nuk mundëm të arrinim ta merrnim posedimin. Pjesa e dytë ishte më e mirë dhe kemi shënuar. U befasuam nga një harkim dhe ky ishte fundi. Është një mundësi e humbur. Nuk është e lehtë të arrish në këtë finale. Duhet ta shfrytëzosh rastin kur të të vijë dhe ne nuk e bëmë këtë sërish. Na vjen ekstremisht keq dhe kjo do të na lëndojë shumë gjatë. Të gjithë dëshironim të fitonim."

Vazhdon të zgjatet pritja për anglezët, për fitimin e një trofeu, me Europianin që nuk e kanë fituar kurrë.





Lajmet e fundit nga