web counter
LEXO PA REKLAMA!

SHKARKO APP

App Store
Google Play

E fundit!

x

Zekiç: Astana është favorite, por i njoh mirë. Tifozët, të “sëmurë” pas Partizanit

23 Gusht 2023, 16:30, Sport CNA

Trajneri i Partizanit, Zoran Zekiç, ka dalë sot para mediave në konferencën e fundit për shtyp para ndeshjes ndaj Astana, në turin e tretë të Ligës së Konferencës. Ai u është përgjigjur pyetjeve të gazetarëve vendas, të cilët kanë qenë kureshtarë të dinin se si do të shihej një eliminim i të kuqve dhe çfarë “kurthi” kishin përgatitur për të ndalur favoritët kazakë.

"Astana është favorite nesër, por unë shpresoj që skuadra jonë të paraqitet më mirë. Unë njoh Marin Tomasov pasi kam trajnuar në Kroaci dhe kam kryqëzuar rrugët me të. Unë njoh gjithashtu edhe Lonçar dhe portierin Çondriç. Nesër, gjëja më e rëndësishme për ne është që të luajmë si skuadër.

Udhëtimi ishte i gjatë dhe i lodhshëm. Nesër ne duhet të luajmë me përqendrim dhe qetësi. Astana ka eksperiencë të gjerë në Europë. Më duhet edhe të përmend tapetin e veçantë që ka në stadiumin e Astanës.

Ne nuk kemi shumë eksperiencë në kompeticionet europiane, por ka me të vërtetë shumë motivim. Për fat të keq, nuk mund të vrapoj në fushë të ndihmoj lojtarët, por ne jemi të përgatitur mirë dhe unë shpresoj që skuadra të bëjë mirë.

Atanaskoski nuk erdhi pasi ka marrë kartonë të verdhë. Unë njoh mjaftueshëm rreth Astanas, sidomos për faktin se kam ndjekur ndeshjet ndaj Dinamo Zagreb dhe Ludogorets.

Partizani është një klub i madh, shumë persona mbështetin ekipin tonë, sidomos në Shqipëri. Do të vini dhe shihni stadiumin tonë, se si tifozët tanë e mbështetin ekipin. Fakti që ata janë të “sëmurë” pas nesh, është absolutisht normal.", u shpreh Zekiç.





Lajmet e fundit nga