web counter
LEXO PA REKLAMA!

SHKARKO APP

App Store
Google Play

E fundit!

x

Nuk e ndal as dëmtimi, Luiza Gega konfirmon pjesëmarrjen në Botërorin e Atletikës

23 Gusht 2023, 16:23, Sport CNA

Pavarësisht se prej kohësh vuan një dëmtim në kofshën e majtë, Luiza Gega ka vendosur të marrë pjesë në Botërorin e Atletikës, që mbahet në Hungari.

Atletja, nëpërmjet një postimi në rrjetet sociale, ka konfirmuar pjesëmarrjen dhe shpreson të renditet mes pesë të parave, për të kaluar më pas në finale.

POSTIMI I LUIZA GEGËS:

Por këto dy javë kanë qenë jo të lehta fizikisht dhe psikologjikisht. Shkak u bë një dhimbje që më filloi në tendinën e këmbës së majtë pas një stërvitje të mirë shpejtësie, prandaj të gjitha energjitë e mia i fokusova në rikuperimin e dhimbjes duke ulur ngarkesën e stërvitjes dhe duke bërë terapi intensive që të mund të vrapoja ne Kampionatin Botëror që zhvillohet në Budapest.

Kam muaj që qëndroj në male për t’u bërë pikërisht për të dhe sidomos kur stërvitjet po shkonin shumë mirë dhe çdo gjë dukej në rrugën e duhur.

Gjithsesi këmbën e kam shumë më mirë, aktualisht kam vetëm pak dhimbje dhe kam besim që çdo gjë do të shkoj shumë mirë dhe e gjithë lodhja do të finalizohet.

Falënderoj shume Federatën për gadishmërinë, fizioterapistin (Abdelin) si dhe Dr.Alban Merepezën që më është gjendur pranë në çdo aktivitet të madh.

Gara ime do të mbahet sot dhe unë do të garoj në baterinë e 3-të në orën 20:23 kur duhet të jem në 5 më të mirat për të kaluar në finale.

Gjithsesi pavarësisht çdo gjëje ndihem me fat dhe e lumtur për të gjithë këtë rrugëtim të gjatë ndër vite dhe që ende kam mundësinë të vrapoj me më të shpejtat e botës.

Ky sport me ka dhënë jashtëzakonisht shumë.





Lajmet e fundit nga