web counter
LEXO PA REKLAMA!

SHKARKO APP

App Store
Google Play

Ndërtoi Skënderbeun e historisë, Haris Fakic prezantohet te klubi tjetër i Superiores

22 Gusht 2023, 16:14, Sport CNA

Ndërtoi Skënderbeun e historisë, Haris Fakic prezantohet te klubi

Pak javë më parë drejtuesit e Dinamos vendosën t’ia besojnë “çelësat” e merkatos një drejtori sportiv me eksperiencë dhe shumë të njohur për futbollin shqiptar si Haris Fakiç. Ky i fundit arriti që disa vite më parë të ndërtonte Skënderbeun e historisë, një skuadër që krenoi çdo shqiptar në arenën evropiane. Në fakt, ai e ka nisur punën prej ditësh, edhe pse klubi blu nuk ka bërë ende një zyrtarizim të tij në postin e rëndësishëm.

Fakiç ka qenë këto ditë në Tiranë, ku veç takimeve me drejtuesit e lartë të klubit ka qenë bashkë me trajnerin Di Biaxho dhe ndihmësin e tij, Memushaj, për të ndjekur në stadium miqësoren e Tiranës, kundërshtarit të parë të Dinamos në kampionat. “Panorama Sport” mëson se vetëm dje drejtori i ri sportiv ka bërë prezantimin para skuadrës, ndërkohë që vazhdon punën për përforcimin e saj para mbylljes së merkatos.

Fokusi mbetet tek afrimi i një qendërmbrojtësi, të paktën një mesfushori qendre dhe një sulmuesi. Vetëm për këtë të fundit ka një emër dhe ai është Veton Tusha i Ballkanit, ndërsa për dy afrimet e tjera nuk ka detaje. Në merkaton e dytë të Dinamos për këtë verë, pas projektit të binjakëzimit me Mançester Sitin, janë afruar emra si Bekim Rexhepi, Baton Zabërgja, Lorenco Vila, Blend Krasniqi dhe Fatjon Andoni.

Në shënjestër janë edhe 3 goditje të tjera, që pritet t’i japin Dinamos profilin e një skuadre pretendente për në Kupat e Europës sezonin e ardhshëm.

 





Lajmet e fundit nga