web counter
LEXO PA REKLAMA!

SHKARKO APP

App Store
Google Play

Zbulohet shkalla e dëmtimit të Gjimshitit, ja sa do të qëndrojë larg fushave

23 Gusht 2022, 08:24, Sport CNA
Zbulohet shkalla e dëmtimit të Gjimshitit, ja sa do të
Berat Gjimshiti

Berat Gjimshiti do të jetë i detyruar të qëndrojë për një periudhë të gjatë jashtë fushave të lojës si pasojë e dëmtimit që ka marrë në ndeshjen e së dielës në darkë ku Atalanta ndali në barazim 1-1 Milanin. Goditjet që mori brenda pak minutash nga Teo Hernandez dhe Divok Origi do të mbajnë futbollistin e përfaqësueses shqiptare larg kuqezinjve në ndeshjet e Ligës së Kombeve.

Lojtari doli nga fusha e lojës duke çaluar pas kontaktit me sulmuesin e Milanit dhe u dyshua menjëherë se ishte diçka shqetësuese. Testet e sotme kanë konfirmuar se është me të vërtetë diçka e tillë dhe se lojtari do të mungojë për shkak të një frakture që ka pësuar.

“Atalanta informon se si vijim i traumës së pësuar gjatë ndeshjes së kampionatit Atalanta-Milan, Berat Gjimshiti iu nënshtrua testeve klinike që kanë evidentuar një frakturë në peronin e këmbës së majtë. Futbollisti ka nisur menjëherë trajtimin e përshkruar në programin e rikuperimit”, shkruhej në njoftimin e klubit.

Sipas mediave italiane, shkalla e dëmtimit do të lërë Gjimshitin jashtë në muajt e ardhshëm, një goditje e rëndë edhe për përfaqësuesen shqiptare para ndeshjeve të shtatorit në Ligën e Kombeve.





Lajmet e fundit nga