web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen arbitrat e ndeshjes BATE Borisov-Partizani

14 Korrik 2023, 10:28, Sport CNA

Partizani do të provojë që të kualifikohet për në turin e duytë të Championsit, aty ku përballë janë me BATE Borisov. Ndeshja e parë në Tiranë përfundoi me rezultatin 1-1, aty ku të kuqtë bënë një paraqitje shumë të mirë ndërkohë që në transfertë do të synohet kualifikimi.

Për këtë ndeshje, UEFA ka përzgjedhur një katërshe skoceze për të gjykuar takimin. Kryesori do të jetë Kevin Klensi i cili ka një eksperiencë të madhe në Skoci, por jo shumë në Europë. Përgjithësisht, Klensit i janë besuar ndeshje të ekipeve të moshave dhe një ndër to është edhe Greqi U19-Shqipëri U19.

Skocezi gjykon që nga viti 2000 dhe gjatë karrierës së tij ka arbitruar edhe në fazën e grupeve të Champions-it. Në 2019-ën, Klanci ka gjykuar Bajernin dhe Barcelonën ndaj Crvena Zvezdës. Sezonin e kaluar 39- vjeçari gjykoi në fazën e grupeve të Ligës së Konferencës, teksa në startin e sezonit arbitroi Shkëndijën në një fitore 3-1 ndaj Valmierës.

Asistentët e arbitrit do të jenë Dejvi MekGish dhe Xhonatan Bel. Gjyqtar i katërt është Dejvid Munro. Delegati i UEFA-s është estonezi Targo Kaldoja ndërsa vëzhgues i arbitrave është izraeliti, Shmuel Shteif.





Lajmet e fundit nga