web counter
LEXO PA REKLAMA!

SHKARKO APP

App Store
Google Play

E fundit!

x

“U ndëshkuam në momentin më të mirë, do t'i rregullojmë gabimet”, Memelli beson: Rezultat që na mban në lojë

14 Korrik 2023, 09:21, Sport CNA

“U ndëshkuam në momentin më të mirë, do t'i

Trajneri i Vllaznisë, Migen Memelli, foli në konferencën për shtyp pas humbjes me Linfildin në Conference League.

“I bëmë gjërat mirë në pjesën e parë, u treguam skuadër e kujdesshme. Por ajo çka nuk bëmë mirë në pjesën e dytë është që ramë pak nga tempi i ndeshjes dhe u ndëshkuam në momentin më të mirë tonin kur po mundoheshim të menaxhonim kundërshtarin. E parë në këndvështrimin e lojës kemi bërë gabime individuale që do të mundohemi t’i rregullojmë në ditët në vijim. Besojmë se është një rezultat që na mban në lojë dhe shpresojmë që në ndeshjen në Shkodër të bëjmë maksimumin për të rihyrë në lojë se është një rezultat me dy gola diferencë. Në Shkodër do të bëjmë maksimumin për të ecur përpara.

Nuk mund të paragjykojmë dot atë që del nga ndeshja. Janë lojtarë dhe bëhen gabime. Duhet t’i rregullojmë ne si staf. Përpos kësaj, duhet të menaxhojmë anën emocionale tani dhe rikuperojmë energjitë për ndeshjen e dytë në Shkodër.

Patjetër pres më shumë nga ekipi, kjo është ndeshja e parë zyrtare. Skuadra ka nevojë për njohje, lojtarët për larmi për njëri-tjetrin në fushë dhe besoj se do të bëjmë më mirë.

Ky është rezultat që na mban në lojë dhe nuk dua ta komentoj më se një rezultat i tillë do të ishte në disfavorin tonë nëse do të shkonim me tre gola te ndeshja e kthimit.

Gabimet na takojnë të gjithëve, mua të parin dhe me radhë. Besoj se janë gjëra që duhet të rregullojmë me skuadrën dhe të ecim para bashkërisht. Nuk jemi këtu t’i vendosim gishtin askujt, problemin e shoh fillimisht te vetja ime, gjërat duhen rregulluar individualisht dhe si grup.

Duke u njohur me lojtarët dhe skuadrën, besoj se do të bëjmë gjërat më mirë në të ardhmen, edhe pse presim ta forcojmë skuadrën më tepër. Koha ka qenë ajo që nuk ka qenë në favor.

Ndryshime? Do të shohim se çfarë do të bëjmë kur kthehemi në Shkodër, rikueprojmë gjendjen fizike nga nesër. Hakaj kishte shqetësim dhe menduam të mos e dëmtonim më shumë.

Të rinjtë e aktivizuar? Të gjithë lojtarët kanë besimin tonë. Përderisa përfaqësojnë Vllazninë, të gjithë bëjnë më të mirën. Të gjithë të kenë minutat e tyre dhe do u jepet mundësia. Ne na takon të bëjmë maksimumin në Shkodër dhe besoj se stadium do të jetë i mbushur për të na ndihmuar”, tha Memelli.





Lajmet e fundit nga