web counter
LEXO PA REKLAMA!

SHKARKO APP

App Store
Google Play

VIDEO/ Tre gola dhe një karton i kuq në dy ndeshje, çfarë ndodhi në ndeshjet e së premtes në Serie A?

26 Tetor 2024, 10:54, Sport CNA
VIDEO/ Tre gola dhe një karton i kuq në dy ndeshje, çfarë
Torino

E premtja çeli raundin e nëntë të Serie A, që nisi me dy sfida.

Udinese bindi me fitoren 2-0 ndaj Cagliari-t, në një takim që e dominoi nga fillimi në fund.

Miqtë e nisën në mënyrën më të keqe të mundshme këtë ndeshje, pasi që nga minuta e 30’ luajtën me dhjetë lojtarë, për shkak se Makoumbo mori kartonin e dytë të verdhë dhe la ekipin e tij në inferioritet numerik.

Gjë që u shfrytëzua nga vendasit, me Udinese-n që zhbllokoi rezultatin në minutën e 38’, me Luça-n që gjeti rrugën drejt rrjetës.

Takimi vazhdoi me rezultatin 1-0 deri në minutën e 78’, moment në të cilin Davis realizoi golin e dytë për ekipin e tij dhe vulosi këtë takim.

Në fund 2-0 dhe Udinese renditet momentalisht në vend të katërt të tabelës së Serie A me 16 pikë, teksa Cagliari në vend të 15-të me nëntë pikë.

Në sfidën tjetër, Torino fitoi minimalisht 1-0 ndaj Como-s, në një sfidë ku ritmin e diktuan miqtë, por në fund ishin vendasit ata që festuan.

Torinezët shënuan golin e avantazhit, por njëkohësisht edhe të fitores në minutën e 75’, me Njie që vulosi këtë takim.

1-0 dhe Torino renditet në vend të gjashtë me 14 pikë, teksa Como në vend të 14-të me nëntë pikë./CNA

 





Lajmet e fundit nga