web counter
LEXO PA REKLAMA!

SHKARKO APP

App Store
Google Play

E fundit!

x

Verona nxjerr bllof Partizanin për Xhuliano Skukën

20 Janar 2023, 20:58, Sport CNA

Xhuliano Skuka vijon të jetë në qendër të merkatos së dimrit. Për sulmuesin e Partizanit është përfolur se ka oferta nga disa klube të Seria A, veçanërisht nga Verona. Janë aluduar shifra të ndryshme, por asnjëherë nuk ka pasur diçka konkrete.

Së fundmi tjetër media ka hedhur dritë për të ardhmen e dibranit. Bëhet fjalë për “hellaslive.it” që raporton se Verona nuk ka bërë asnjë ofertë zyrtare për Skukën.

Kjo media shumë pranë klubit italian raporton se: “Nga sa mësuam, sulmuesi shqiptar Xhuliano Skuka është ndjekur nga stafi i Veronës, por asnjëherë nuk është diskutuar për blerjen e mundshme të tij.

Leçe është interesuar për të dhe në këtë mënyrë Partizani po përpiqet të rrisë çmimin, rreth 1 milionë euro plus 20 përqind të kartonit. Një operacion që klubi i Veronës nuk e ka nisur dhe as nuk do ta niste me kushte të tilla”.

Xhuliano Skuka është një nga lojtarët më të përfolur për t’u larguar në këtë merkato dimri. Ofertat për sulmuesin dibran nuk kanë munguar, megjithatë ende s’ka asgjë zyrtare. Dje, të kuqtë luajtën dhe fituan 3-1 kundër Korabit në kuadër të 1/8-ve të Kupës së Shqipërisë.

Pikërisht në qytetin ku u rrit nga ana profesionale, Skuka arriti të realizonte edhe 2 gola. Para takimit, ai është surprizuar duke marrë një buqetë me lule. Këtë foto e ka ndarë në rrjetet sociale duke shkruar: “Faleminderit nga zemra KF Korabi”.





Lajmet e fundit nga