web counter
LEXO PA REKLAMA!

SHKARKO APP

App Store
Google Play

E fundit!

x

Tjetër humbje 0-3, Shqipëria mposhtet nga Turqia

20 Janar 2023, 17:42, Sport CNA

Dy ditë pas humbjes 0-3 në stadiumin “Air Albania”, Shqipëria U-17 është mposhtur sërish me të njëjtin rezultatin nga moshatarët e Turqisë.

Pas një fillimi të balancuar me të dyja skuadrat që tentojnë të marrin kontrollin e lojës janë miqtë të cilët kalojnë të parët në avantazh në minutën e 10-të me mbrojtësin Mertcan Ayhan që godet saktë me kokë në qendër të zonës pas një goditje nga këndi, duke mposhtur portierin Dervishi.

Minuta e 17-të arbitri akordon penallti për Turqinë pas një ndërhyrje në zonë të Bodes, e cilësuar si e parregullt. Nga pika e bardhë godet Canlopat, por Dervishi kupton krahun dhe grushton gjuajtjen. Në vijim të aksionit është Gokay gjuan dhe dërgon topin në portë, ndërkohë që arbitri kryesor ka vërshëllyer për një faull në momentin e ekzekutimit të penalltisë pasi disa lojtarë turq kanë hyrë para kohe në zonë.

Pjesa e parë mbyllet me rezultatin 0-1 në favor të turqve, teksa nuk pati të tjera raste për t’u shënuar.

Në minutën e 68-të turqit arrijnë të shënojnë edhe golin e dytë me anë të Veis Yiliz, i cili është i saktë me gjuajtjen e tij nga distanca.

Në minutën e 89-të, Turqia realizon edhe golin e tretë me Kaçmaz që finalizon saktë me të djathtën në distancë të afërt me portën, duke shënuar. Në minutat e mbetura rezultati nuk ndryshon dhe miqësorja mbyllet me fitoren 3-0 të Turqisë.





Lajmet e fundit nga