web counter
LEXO PA REKLAMA!

SHKARKO APP

App Store
Google Play

E fundit!

x

Verona nuk e do, Skuka transferohet tek ekipi i njohur në Francë?

20 Janar 2023, 23:17, Sport CNA

Xhuliano Skuka është shumë pranë largimit nga Partizani. Burime të besueshme pranë klubit të kuq bëjnë me dije për Neësport.al që sulmuesi dibran pritet të transferohet në Francë.

Është klubi i Metz që është i gatshëm për të plotësuar kërkesat e klubit kryeqytetas, por edhe të lojtarit që këtë sezon po shkëlqen në Kategorinë Superiore.

Negociatat janë drejt fundit dhe nga sa mësohet, ka qenë ndërhyrja e Shkumbin Qorrmemetit i cili ka mundësuar këtë transferim të bujshëm. Një hap i rëndësishëm ky për Skukën që do të ketë mundësinë të tregojë vlerat e tij në kampionatin francez.

Kujtojmë që këtë edicion futbollistik ka shënuar 10 gola në 16 ndeshje që është aktivizuar. Vlera e 24 vjeçarit është 500 mijë euro sipas “Transfermarkt”.

Megjithatë te Partizani kanë kërkuar dyfishin për të lënë të lirë lojtarin. Performanca pozitive ka rënë në sytë e të huajve dhe tashmë Skuka pritet të bëjë hapin e madh në karrierë..

Kujtojmë se Metz luan në Ligue 2 dhe renditet në vendin e tretë, pra është një nga ekipet që pretendon për të luajtur në elitë sezonin e ri.





Lajmet e fundit nga