E fundit!

09:53 Aktualitet

Një efektiv i gjakosur/ Balla: Kjo nuk është më protestë paqësore, është terrorizëm

Kreu i Grupit Parlamentar, Taulant Balla ka ndarë pamjet e...

“Uragani” kuqezi, FSHF jep lajmin e rëndësishëm për biletat e Shqipëri-Çeki

30 Tetor 2024, 14:05, Sport CNA

“Uragani” kuqezi, FSHF jep lajmin e rëndësishëm

Kombëtarja shqiptare, do të përballet me Çekinë në muajin nëntor, në sfidën e vlefshme për Ligën e Kombeve. Ndeshja është planifikuar të zhvillohet më 16 nëntor, ndërsa kuqezinjtë do të kenë edhe një mbështetje të madhe.

Federata Shqiptare e Futbollit, ka njoftuar se janë shitur të gjitha biletat për sfidën që do të luhet në “Air Albania”.

Stadiumi do të jetë i mbushur në kapacitet maksimal, për takimin e vlefshëm për grupin B1, në Ligën e Komeve.

Interesi për këtë përballje ka qenë shumë i lartë, sidomos pas asaj fitore të kuqezinjve ndaj Gjeorgjisë, që lejon Shqipërinë të luftojë për vendin e parë në grup.

Pritet një atmosferë të ngrohtë, pozitive nga tifozët kuqezi, ashtu siç ka ndodhur edhe në të kaluarën.

“Interesi për të ndjekur ndeshjen Shqipëri – Çeki ka qenë i lartë dhe Federata e Futbollit dëshiron të falënderojë të gjithë tifozët e Kombëtares që kanë vendosur të jenë të pranishëm në stadiumin ‘Air Albania’ më 16 nëntor, në mbështetje të ekipit tonë kombëtar dhe i fton të krijojnë një atmosferë të ngrohtë, pozitive dhe të tregojnë qytetari dhe respekt përmes një sjelljeje korrekte ndaj ekipit kundërshtar.

Njëkohësisht, Federata e Futbollit falënderon edhe të gjithë ata tifozë të cilët nuk mundën të pajiseshin me bileta për këtë ndeshje dhe i fton të vazhdojnë ta mbështesin Kombëtaren shqiptare.”, thuhet në njoftimin e Federatës.

Në muajin nëntor, Shqipëria do të luajë dy ndeshje, me Çekinë fillimisht dhe më pas me Ukrainën.

Të dyja takimet do të zhvillohen në stadiumin “Air Albania”, aty ku synohen 6 pikë, për të shpresuar te vendi i parë në grup.