web counter
LEXO PA REKLAMA!

SHKARKO APP

App Store
Google Play

Benzema, i revoltuar: Vinicius e meritonte “Topin e Artë”, ai bën gjëra të jashtëzakonshme, Rodri jo

30 Tetor 2024, 14:04, Sport CNA
Benzema, i revoltuar: Vinicius e meritonte “Topin e Artë”, ai
Benzema

Sulmuesi i Al-Ittihad, Karim Benzema, deklaron se për të “Topin e Artë” këtë vit meritonte ta fitonte Vinicius Junior dhe jo Rodri.

Në një intervistë të dhënë për mediet spanjolle, francezi u shpreh se braziliani ishte i vetmi që e duhej ta merrte atë trofe.

"Pashë atë që bëri Vinicius... Nuk dua të flas për ‘France Football’ apo Francë. Siç e kam thënë shumë kohë më parë, dhe jo vetëm këtë vit, Vinicius është një lojtar që gjithmonë ka punuar shumë dhe jo vetëm ka shënuar gola. Vitin e kaluar, kur Real Madrid ishte kampion i Europës, Vinicius ishte vendimtar në çdo ndeshje. Kështu që nuk di çfarë të mendoj. Nuk e di. Mendoj se nuk është dikush që e meritonte më shumë se ai”, -tha fillimisht sulmuesi.

Më tej, 36-vjeçari theksoi se nuk ka gjë kundër Rodrit, por sipas tij Vinicius në ndryshim nga spanjolli, bën gjëra që të mahnitin.

“Nuk kam asgjë kundër Rodri-t, i cili është një lojtar i mirë. Por kur jam në divan dhe shikoj televizor, vërej se Rodri nuk bën gjëra që më mahnitin, ndërsa Vini i ka bërë më shumë se një herë. Është pak e trishtuar dhe më vjen keq për Vinicius, i cili e meriton Topin e Artë”,-u shpreh Benzema.

Rodri fitoi “Topin e Artë” 2024 për kontributin e tij te kombëtarja e Spanjës në triumfin e Euro 2024./CNA





Lajmet e fundit nga