web counter
LEXO PA REKLAMA!

SHKARKO APP

App Store
Google Play

Larg luksit të tepruar dhe rrjeteve sociale, jeta private dhe shumë sekrete e fituesit të “Topit të Artë” do t'ju surprizojë

30 Tetor 2024, 09:53, Sport CNA
Larg luksit të tepruar dhe rrjeteve sociale, jeta private dhe shumë
Rodri

Rodrigo Hernandez Cascante, i njohur nga të gjithë si Rodri, është emri më i diskutuar i ditëve të fundit në botën e sportit, pasi mesfushori fitoi “Topin e Artë” 2024.

28-vjeçari fitoi trofeun më të rëndësishëm individual për futbollistë, pas kontributit të tij te Spanja në triumfin e "EURO 2024", ndërsa u bë i pari spanjoll që e siguron këtë çmim pas 64 vitesh.

Po kush është në të vërtetë Rodri?

28-vjeçari që luan për Manchester City-n është nga ata futbollistë që punojnë shumë dhe që janë shumë vendimtar në fushën e lojës, megjithatë spanjolli në asnjë moment nuk kërkon që të jetë në qendër të vëmendjes.

Në ndryshim nga shumica e futbollistëve aktualë, Rodri është shumë i thjeshtë, e mbi të gjitha mundohet që ta mbrojë jetën e tij private.

Mesfushori i “citizens” nuk ka një makinë luksi si dhe qëndron larg çdo rrjeti social, me spanjollin që është jashtë çdo platforme të tillë.

Sa i përket jetës familjare, Rodri u takua me partneren e tij gjatë kohës kur ishte universitet për Menaxhim dhe Administrim Biznesi, teksa gruaja e tij, Laura, është kirurge.

Në kohën kur luante për Villarreal-in në Spanjë, Rodri vazhdonte njëkohësisht edhe studimet, me mesfushorin që pavarësisht pagës që merrte, në atë kohë jetonte në rezidencat studentore.

Mesfushori spanjoll bën vazhdimisht bamirësi, me Rodri-n që rregullisht dhuron 25% të pagës së tij për fëmijët në nevojë në Spanjë.

Fituesi i “Topit të Artë” është jo vetëm një nga mesfushorët më të mirë ndonjëherë, por edhe një nga lojtarët më “Fair Play” në fushën e lojës, e një nga njerëzit më të thjeshtë e me zemër të madhe në jetën jashtë futbollit./CNA





Lajmet e fundit nga