E fundit!

07:28 Aktualitet

Shteti duhet të paguajë 180 milionë euro për arbitrazhet ndërkombëtare

Detyrimet që lidhen me vendimet e arbitrazheve ndërkombëta...

Skënderbeu me 6 mungesa, Gvozdenovic: Jemi favoritë ndaj Partizanit

29 Tetor 2024, 14:33, Sport CNA

Skënderbeu pret në shtëpi Partizanin këtë të mërkurë, në ndeshjen e vlefshme për javën e 11-të në Superiore. Ashtu si në takimet e kaluara, edhe në këtë përballje spektakli është i garantuar, për shkak të rivalitetit të madh mes dy ekipeve.

Korçarët vijnë në këtë sfidë me mungesa të mëdha, si sulmuesi kryesor Bismark, apo edhe Doka, Janaqi, Prençi, Nikaj dhe Gërxho.

Në konferencën për shtyp, trajneri i Skënderbeut, Ivan Gvozdenoviç, konfirmoi mungesat, por nuk donte ta bënte dramë, duke thënë se ka besim se lojtarët që do të futen në fushë, do të japin maksimumin.

Tekniku i juglindorëve, vlerësoi Partizanin, por shtoi se skuadra e tij është pak më favorite, sepse luajnë në shtëpi.

Referuar katër pikëve në dy ndeshjet e fundit, Gvozdenovic, deklaroi se është i kënaqur, për shkak të kundërshtarëve që ishin përballë.

“Nëse shikojmë pikët, mund të themi se kemi marrë maksimumin në dy transferta. Ishin dy ndeshje të vështira. Katër pikë janë mirë për ne. Ndeshja ndaj Elbasanit nuk ishte e lehtë. Me katër pikë jemi në rregull.

Nuk di çfarë të them për kartonët. Unë nuk flas kurrë për arbitrat. Kartoni i kuq ishte i drejtë, por për të tjerët nuk e di. Kjo është situata. Kemi probleme me 3-4 lojtarë. Me stafin do vendosim për formacionin. Ishin shumë kartonë ndaj Elbasanit. Tani të shikojmë si do të rregullojmë.

Bismark është jashtë, Prençi po ashtu, Doka, Janaqi, Nikaj dhe Gërço. Vangjeli është në dyshim. Unë kam besim te lojtarët ë tjerë. Kam besim se nesër do të japin maksimumin dhe fortë. Në një ambient perfekt, me tifozë. Fusha do të jetë e mirë. Kemi një kundërshtar të fortë. Kemi respekt për Partizanin, por ne jemi Skënderbeu. Lojtarët e tjerë janë gati të kapin rastin.

Është një ndeshje e vështirë. Janë dy skuadra të mira përballë. Edhe ata kanë mungesa. Do fitojë kush është më i mirë në fushë. Jemi pak favoritë, sepse luajmë në shtëpi, por pres një ndeshje të fortë.

Unë asnjë herë nuk flas për rezultatin para ndeshjes. Ne jemi të fokusuar për pikët maksimale. Ne jemi të përqendruar për të bërë maksimumin. Do provojmë të marrim pikët maksimale, por do të flasim pas ndeshjes.”, deklaroi Gvozdenovic.

Ndeshja mes Skënderbeut dhe Partizanit, do të luhet në qytetin e Korçës këtë të mërkurë, duke nisur nga ora 17:00.