web counter
LEXO PA REKLAMA!

SHKARKO APP

App Store
Google Play

E fundit!

x

Conte: Tri pikët na japin besim, por duhet të përmirësohemi më tej

30 Tetor 2024, 12:23, Sport CNA
Conte: Tri pikët na japin besim, por duhet të përmirësohemi
Antonio Conte

Napoli bindi me fitoren 0-2 ndaj Milan-it në “San Siro”, megjithatë për trajnerin Antonio Conte, ekipi i tij duhet të përmirësohet më shumë.

Duke folur për mediet pas ndeshjes së javës së nëntë të Serie A, tekniku italian theksoi se fitorja duhet t’u japë besim, por pa humbur qartësinë e tyre.

"Të rritemi të gjithë së bashku, në aspektin mental. Secili individ duhet të përmirësojë performancën e tij, duhet të bëhet më i fortë. Ne po punojmë në shumë këndvështrime. Mund të bëjmë akoma më mirë. Unë e di se çfarë ndikimi emocional ka ‘San Siro’ në ekipet kundërshtare. Tri pikët duhet të na japin besim dhe moral, pa na bërë të humbasim qartësinë tonë”, -u shpreh ai.

Ndërsa duke folur për situatën te Napoli, kreu i stolit deklaroi se kanë një atmosferë të mirë dhe të gjithë ndihen të përfshirë në projekt.

"Ajo që më pëlqen te Napoli është atmosfera që po krijohet mes nesh. Të gjithë ndihen shumë të përfshirë në projekt. Kjo është gjëja më e mirë që mund të marr. Ka një atmosferë pozitive dhe kjo më jep shumë energji. Tifozët duhet ta dinë se ne punojmë ditë e natë për t'i bërë ata krenarë”, -tha ndër të tjera Conte.

I pyetur për raportin e tij me sulmuesin belg, Romelu Lukaku, Antonio Conte u shpreh se lojtari refuzoi Premier League-n, për të punuar me të.

"Lukaku donte të vinte te Napoli me çdo kusht, madje refuzoi Premier League për të punuar sërish bashkë. Mund të flas shumë për të. Jam me fat që kam një grup të jashtëzakonshëm”, -përfundoi trajneri i Napoli-t.

Pas javës së nëntë të Serie A, Napoli blindon më tej kreun e renditjes me 25 pikë./CNA

 

 

 





Lajmet e fundit nga