web counter
LEXO PA REKLAMA!

SHKARKO APP

App Store
Google Play

Ukraina në Botëror? Shakhtari kërkon përjashtimin e kombëtares së njohur nga “Katar 2022”

24 Tetor 2022, 16:56, Sport CNA

Ukraina në Botëror? Shakhtari kërkon përjashtimin e

Shakhtar Donjetck ka kërkuar që kombëtarja e Iranit të përjashtohet nga “Katar 2022” dhe të zëvendësohet nga kombëtarja e Ukrainës. CEO i Shakhtarit, Sergiy Palkin përmes një postimi në Twitter është shprehur se ndësa iranianët do të argëtohen në Kupën e Botës, ukrainasit do të vriten nga dronët dhe raketat e tyre. Ai kërkoi zëvendësimin për shkak se ajo dëshmoi se është e denjë për të marrë pjesë në Botëror.

“Ndërsa udhëheqja iraniane do të argëtohet duke parë ekipin e tyre kombëtar duke luajtur në Kupën e Botës, ukrainasit do të vriten nga dronët iranianë dhe raketat iraniane. Secili prej dronëve u prodhua, u dorëzua nga autoritetet iraniane, instruktorët iranianë dhe ushtria trajnuan, menaxhuan drejtpërdrejt lëshimet e dronëve që shkatërruan shtëpi, muze, universitete, zyra, terrene sportive dhe kënde lojërash, dhe më e rëndësishmja, vranë ukrainas.

Shakhtar i bën thirrje FIFA-s dhe gjithë komunitetit ndërkombëtar që të ndalojnë menjëherë kombëtaren e Iranit të luajë në Kupën e Botës për pjesëmarrjen e drejtpërdrejtë të vendit në sulmet terroriste ndaj ukrainasve. Ukraina e meriton të jetë në Botëror pasi në kushte të pabarabarta me kombëtaret e tjera gjatë play-off-it, ata luajtën me zemër. Zëvendësimi i Iranit nga Ukraina do të ishte i justifikuar historikisht dhe sportivisht. Të gjithë duhet t’i bashkohen presionit mbi burokracinë e futbollit”, është shprehur Palkin.

Nuk është hera e parë që Palkin i ka bërë presion FIFA-s për vendimet e saj pas pushtimit rus të Ukrainës që filloi në shkurt. Në muajt e fundit, Palkin ka vënë në shënjestër organin qeverisës të futbollit botëror për vendimin e tij të diskutueshëm për të lejuar lojtarët e huaj të largohen nga klubet ukrainase pa kompensim për të ikur nga lufta.





Lajmet e fundit nga