web counter
LEXO PA REKLAMA!

SHKARKO APP

App Store
Google Play

E fundit!

x

“Lojtarëve u kërkova të mbajnë kokën lart”, Memelli gjen “fajtorin” pas barazimit me Besëlidhjen

24 Tetor 2022, 12:20, Sport CNA

Migen Memelli u vë “fajin” mungesave, ndonëse e pranon që kundërshtari nuk vodhi asgjë. Trajneri i Skënderbeut, pas ndeshjes me Besëlidhjen, të përfunduar 1-1, u shpreh se skuadra luajti me shumë lojtarë të rinj.

“Të them të drejtën jam shumë i zhgënjyer, pasi duhet të fitonim. Por kishim kaq shumë mungesa dhe u detyruam të luajmë me shumë lojtarë të rinj.

Tre i morëm nga akademia dhe luanin për herë të parë. Duhet të bënim më shumë për të mbyllur ndeshjen kur ishte nën kontrollin tonë.

Duhet të vlerësojmë edhe kundërshtarin. Nuk është se vodhi gjë, por meritoi të merrte një pikë, duke na goditur në momentin e duhur.

Tani është momenti që të reflektojmë dhe të reagojmë duke nisur nga ndeshja e radhës. Ky kampionat do të jetë i vështirë dhe të gjithë e kemi pranuar një gjë të tillë.

U thashë lojtarëve që të mbajnë kokën lart dhe të lënë pas krahëve këtë barazim e të mendojnë për ndeshjen e radhës. Nuk na interesojnë ekipet e tjera, pasi shohim vetëm veten tonë dhe do të përqendrohemi këtu”.





Lajmet e fundit nga