web counter
LEXO PA REKLAMA!

SHKARKO APP

App Store
Google Play

E fundit!

x

Motra e Kristianos fyen trajnerin Ten Hag: Njerëzit e ligj po e gozhdojnë në kryq

23 Tetor 2022, 21:57, Sport CNA

Motra e Kristianos fyen trajnerin Ten Hag: Njerëzit e ligj po e

Motra e Kristiano Ronaldos, Katia Aveiro, sulmon sërish trajnerin e Mançester Junajtid, Erik ten Hag, për trajtimin që holandezi po i bën vëllait të saj.

Katia ka bërë një krahasim të pazakontë për të treguar përbuzjen që pëson Kristiano.

Motra e portugezit ka krahasuar situatën që po përjeton “ylli” portugez me kryqëzimin e Jezusit, diçka që ka habitur shumë ndjekësit e saj: “Askush që ka lindur për të shkëlqyer nga duart e Zotit nuk do të zhbëhet nga dikush që nuk i ka veshur kurrë këpucët e tij. Ai është dhe do të jetë vetë historia”, shkroi Katia në "Instagram".

“Ekziston një varg në Bibël që thotë: “Ky njeri ju është dorëzuar me një plan të Perëndisë dhe ju, me ndihmën e njerëzve të ligj, e vrisni duke e gozhduar në kryq”, përfundoi motra e Kristianos.

Kristiano u dënua nga klubi pasi u largua nga stadiumi para se të përfundonte sfida ndaj Totenhamit, në “Old Trafford”, të mërkurën e kaluar.

Portugezi mbeti jashtë skuadrës për ndeshjen me Çelsin (1-1) dhe duket se koha e tij te “Djajtë e Kuq” ka marrë fund. Të paktën për aq kohë sa Ten Hag do të vazhdojë të jetë trajner i skuadrës së njohur angleze.





Lajmet e fundit nga