web counter
LEXO PA REKLAMA!

SHKARKO APP

App Store
Google Play

Sulmuesi refuzon hapur Shqipërinë: Dua të luaj në Botëror me...

10 Tetor 2024, 10:42, Sport CNA

Sulmuesi refuzon hapur Shqipërinë: Dua të luaj në

Brajan Gruda i mbyll përfundimisht derën Shqipërisë. Sulmuesi dëshiron të luajë vetëm për Gjermaninë dhe këtë e ka bërë të ditur në një intervistë të dhënë së fundmi.

Duke folur për kanalin e Federatës Gjermane, Gruda deklaroi se është i lumtur te gjermanët, ndërsa theksoi se synimi është që të luajë me Kombëtaren A të "pancerave" në Botërorin e ardhshëm.

“Unë kam familjen në Shqipëri, prindërit e mi vijnë nga atje. Këtu kam lindur dhe rininë e kam kaluar në Gjermani. Nuk e di se çfarë ka e ardhmja, por zemra ime më thotë se dua të luaj për Gjermaninë. Jam i lumtur që jam këtu, po argëtohem, si në stërvitje dhe jashtë saj. Jam kthyer në stërvitje prej një jave. Mendoj se do të prezantohem ngadalë dhe do të marr disa minuta në ndeshjen e parë. Ndoshta më shumë në ndeshjen e dytë. Do ta shfrytëzoj sa më shumë kohën time me U-21, minutat do të më bëjnë mirë. 

Grumbullimi me kombëtaren A të Gjermanisë, ishte një ndjenjë e mrekullueshme. Isha në gjendje të stërvitesha me lojtarë që më parë i shihja vetëm në TV. Ishte intensive dhe mund të shihje qartë ndryshimin në cilësi në krahasim me U-21. 

Për momentin jam i lumtur që jam me U-21 dhe ky është fokusi tani. Por të gjithë duan të luajnë për ekipin A. Synimi im është Kupa e Botës 2026 dhe dua të luaj një rol të rëndësishëm atje. Dua të fitoj gjithçka me U-21. Është më mirë nëse i fitojmë të dyja. Do të vijë edhe koha ime në ekipin e të rriturve”, deklaroi Gruda.

Sulmuesi 20-vjeçar ka qenë një dëshirë e madhe e trajnerit Silvinjo, i cili dëshironte ta afronte te Shqipëria para Europianit, por nuk e realizoi dot.

Me intervistën e fundit, Gruda ka lënë të kuptohet se nuk ka asnjë mundësi që ai të luajë për Shqipërinë në të ardhmen, pasi synimi i tij është vetëm Kombëtarja gjermane.

Lojtari spikati me Mainzin në Bundesligë, ndërsa në merkaton e verës u transferua tek anglezët e Brighton, aty ku ende nuk ka arritur të lërë shenjë.





Lajmet e fundit nga