E fundit!

07:28 Aktualitet

Shteti duhet të paguajë 180 milionë euro për arbitrazhet ndërkombëtare

Detyrimet që lidhen me vendimet e arbitrazheve ndërkombëta...

De la Fuente shpërthen ndaj federatës spanjolle: Kampion Europe dhe ende pa kontratë, s’është normale

9 Tetor 2024, 13:23, Sport CNA

De la Fuente shpërthen ndaj federatës spanjolle: Kampion Europe dhe

Luis de la Fuente, Spanja

Ndeshjet e Ligës së Kombeve për muajin tetor nisin të enjten, me skuadrat kombëtare që janë grumbulluar dhe po përgatiten për këto ndeshje.

Spanja do të ndeshet në fillim me Danimarkën dhe më pas do të luajë kundër Serbisë.

Trajneri i kampionëve të Europës, Luis de la Fuente, foli në konferencën e dhënë për mediet për kontratën e tij, teksa gjuha e përdorur ndaj federatës spanjolle ishte goxha e ashpër.

“Nuk besoj se është normale që një trajner kampion Europe të jetë pa kontratë në këtë periudhë të vitit. Nuk e di nëse do të kishte ndodhur e njëjta gjë me Luis Enrique... Kam pasur oferta, siç është normale. Ajo që nuk është normale është se trajneri aktual kampion i Europës është pa kontratë. Realisht nuk e di nëse ka ndodhur ndonjëherë tjetër në histori. Momentalisht, unë kam ende të njëjtat kushte kontraktuale si kur mora Kombëtaren... Do të kishte qenë e drejtë nëse do të kisha firmosur tani marrëveshjen e re” – u shpreh de la Fuente.

Më pas, duke u ndalur te dëmtimet dhe ngarkesa e lojtarëve gjatë sezonit, ai shtoi se është e tepërt.

"Kemi dy ndeshje të rëndësishme, dy kundërshtarë që ne i vlerësojmë maksimalisht. Mesatarisht po luajmë një ndeshje në muaj. Nga korriku në mars luajmë gjashtë ndeshje në 8 muaj. Përgjegjës janë ata që koordinojnë sezonet, lojtarët...E di që duhet të menaxhoj 70 ndeshje dhe kjo nuk është normale pasi në këtë muaj na mungojnë disa lojtarë të rëndësishëm si Rodri dhe Carvajal. Shpresoj të mos ketë kërcënim për grevë nga lojtarët. Numri i ndeshjeve dhe koha e shkurtër e rikuperimit janë faktorë kyç për këto dëmtime. Ne duhet të ulemi kur të bëhet kalendari me të gjitha palët: UEFA-n , FIFA-n, klubet, lojtarët... është e vetmja mënyrë reale për të arritur një marrëveshje dhe për të gjetur zgjidhjen e duhur" – përfundoi trajneri i Spanjës.

Kombëtarja e Spanjës do të përballet me Danimarkën më 12 tetor dhe tri ditë më pas do të ndeshet me Serbinë./CNA