web counter
LEXO PA REKLAMA!

SHKARKO APP

App Store
Google Play

E fundit!

x

E rëndë, Paqueta rrezikon përjashtim të përjetshëm nga futbolli

8 Tetor 2024, 15:25, Sport CNA
E rëndë, Paqueta rrezikon përjashtim të përjetshëm
Paqueta

Lucas Paqueta rrezikon të dënohet me fundin e karrierës futbollistike për përfshirje në lojërat të paligjshme të fatit.

Futbollisti i West Ham ishte vënë nën hetim nga Federata Angleze e Futbollit rreth një vit më parë për vënie bastesh në Brazil, gjatë periudhës që luante për “The Hammers”.  

Kartonët e verdhë të marrë nga ish-lojtari i Milan-it midis nëntorit 2022 dhe gushtit 2023 kundër Leicester, Aston Villa, Leeds dhe Bournemouth janë bërë çështje hetimi.

Për t'i dhënë fund kësaj çështjeje, organit drejtues të futbollit në Angli iu desh të bllokonte telefonin e Paqueta-s për dy muaj.

Qëllimi? Mesazhe apo lëvizje bankare që mund ta lidhin mesfushorin e me lojërat e paligjshme të fatit në Brazil.

Sipas “The Sun”, telashet për Paqueta-n u shtuan kur Federata Angleze vendosi t'i kthejë telefonin e tij.

Lojtari në fakt vendosi që ta hidhte menjëherë pas kësaj ngjarje dhe gjithçka doli në dritë kur Federata e Futbollit kërkoi kthimin e telefonit për hetime shtesë.

Tani akuzat ndaj Paqueta-s bëhen edhe më të rënda, përveç atyre të basteve të paligjshme dhe mosbashkëpunimit, shtohet edhe ajo e pengimit të hetimit.

Seanca dëgjimore për procedimin ndaj brazilianit duhet të mbahet marsin e ardhshëm, por në Angli raportohet se mund të mos ndodhë para verës së vitit 2025.

Prandaj, ky sezon aktual rrezikon të jetë i fundit i Lucas Paqueta, pasi me akuzat që i rëndojnë, braziliani mund të mos lejohet të luajë më futboll./CNA





Lajmet e fundit nga