web counter
LEXO PA REKLAMA!

SHKARKO APP

App Store
Google Play

Formacioni i mundshëm i Shqipërisë/ Laçi merr vendin e Asllanit, Hysaj dhe Seferi titullarë

8 Tetor 2024, 20:29, Sport CNA

Formacioni i mundshëm i Shqipërisë/ Laçi merr vendin e

Shqipëria do të kërkojë me çdo kusht dy fitore, ndaj Çekisë dhe Gjeorgjisë. Liga e Kombeve, është një nga rrugët ku kuqezinjtë mund të tentojnë Botërorin dhe për këtë arsye synohet vendi i parë me çdo kusht.

Në prag të takimit të parë, atë ndaj Çekisë, trajneri kuqezi, Silvinjo ka dilema sa i përket formacionit. Përveç mungesës së Berat Gjimshitit, Shqipëria mund të përballet edhe me dy mungesa të tjera të rëndësishme.

Kristjan Asllani dhe Myrto Uzuni janë në dyshim për sfidën e parë me Çekinë. Në seancën e fundit, dy lojtarët u stërvitën të diferencuar për shkak të problemeve muskulore të shfaqura.

Gjendja e lojtarëve po ndiqet me kujdes nga stafi mjekësor i Kombëtares dhe të enjten, do të vendoset nëse do të jenë të gatshëm apo jo.

Sa i përket formacionit ndaj çekëve, në portë Tomas Strakosha duket i sigurt. Në mungesë të Gjimshitit, dyshja e mbrojtjes do të përbëhet nga Ismajli dhe Kumbulla, ndërsa në krahët do të jenë Mitaj në të majtë dhe ka balotazh mes Hysajt e Balliut për krahun e djathtë.

Formacioni i mundshëm i Shqipërisë/ Laçi merr vendin e

Dilema ka edhe në mesfushë. Ramadani e ka rezervuar vendin e titullarit, por ende nuk dihet shoku i repartit për të. Nëse Asllani nuk ia del të rikuperohet, gjasat janë të mëdha që në vendin e tij të luajë Qazim Laçi.

Alternativat e tjera për këtë repart janë Pajaziti, Fetai dhe Abrashi. Në skemën 4-2-3-1, Bajrami pritet të jetë pas sulmuesit kryesor. Në të djathtë do të luajë Jasir Asani, ndërsa në të majtë të sulmit, Seferi dhe Arbër Hoxha po duelojnë për një vend titullari.

Në qendër të sulmit do të luajë Mirlind Daku, i cii mungoi në grumbullimin e shtatorit, për shkak të dënimit të UEFA-s.





Lajmet e fundit nga