web counter
LEXO PA REKLAMA!

SHKARKO APP

App Store
Google Play

Silvinjo ka dilema/ Si pritet të rreshtohet Shqipëria ndaj Çekisë

10 Tetor 2024, 10:37, Sport CNA

Silvinjo ka dilema/ Si pritet të rreshtohet Shqipëria ndaj

Kombëtarja shqiptare do të përballet me Çekinë këtë të premte, ku të besuarit e Silvinjos do të kërkojnë me çdo kusht fitoren, për të shpresuar te vendi i parë në renditje.

Tekniku kuqezi ende nuk e ka vendosur formacionin përfundimtar, për shkak të dilemave në mesfushë, por edhe në sulm.

Gjithçka lidhet me gjendjen e Kristjan Asllanit. Mesfushori i Inter-it është rikuperuar dhe është stërvitur me pjesën tjetër të grupit, por nuk dihet nëse është gati për të luajtur nga fillimi apo jo.

Në portë është i sigurt Strakosha, ashtu si Hysaj në të djathtë dhe Mitajn në të majtë. Edhe dyshja e mbrojtjes nuk ka dyshime, ku do të luajnë Ismajli dhe Marash Kumbulla.

Në mesfushë, Ramadani është titullar i padiskutueshëm, ndërsa mbetet të shihet se cili do të jetë partneri i tij në këtë repart.

Nëse Asllani ia del, atëherë emrat do të jenë të njëjtë si në ndeshjet e muajit shtator, me përjashtim të sulmuesit kryesor, aty ku në vendin e Manajt do të jetë Daku.

Silvinjo ka dilema/ Si pritet të rreshtohet Shqipëria ndaj

Në rast se lojtari i Inter-it e nis nga stoli, në vendin e tij pritet të luajë Qazim Laçi, duke bërë që Nedim Bajrami të spostohet në rolin e fantazistit në skemën 4-2-3-1. Në këtë rast, në të majtë të sulmit do të luante Arbër Hoxha, ndërsa në të djathtë Jasir Asani, në mbështetje të Mirlind Dakut.

Megjithatë stërvitja e fundit në Shqipërisë, do të vendosë edhe formacionin përfundimtar që Silvinjo do të hedhë në fushë.

Ndeshja mes Çeki-Shqipëri, do të luhet ditën e premte, duke nisur nga ora 20:45, në Pragë.





Lajmet e fundit nga