web counter
LEXO PA REKLAMA!

SHKARKO APP

App Store
Google Play

“UEFA Development” në Shqipëri / Trajneri Dama shpall listën e Kombëtares U-15

20 Tetor 2024, 10:29, Sport CNA
“UEFA Development” në Shqipëri / Trajneri Dama shpall
U-15, Burimi: FSHF

Kombëtarja U-15 është gati për turneun “UEFA Development”, i cili do të mirëpritet dhe organizohet nga FSHF në datat 23-28 tetor. Trajneri Armand Dama ka publikuar listën e 22 lojtarëve të grumbulluar për ndeshjet e Shqipërisë U-15 në “UEFA Development” ndaj bashkëmoshatarëve të San Marinos, Ishujve Faroe dhe Bosnje-Hercegovinës.

Janë 15 lojtarë të cilët janë pjesë e Akademisë së FSHF-së “Elite Youth” dhe luajnë për klubet shqiptare. Pjesa tjetër e futbollistëve të ftuar vijnë nga klube si Roma, Fiorentina, Lazio, Modena, Maribor, Feralpisalo dhe Como.

Kuqezinjtë do të nisin grumbullimin dhe përgatitjet nga sot në Durrës. Ndeshjet do të zhvillohen në fushat e “Shtëpisë së Futbollit”. Turneu do të nisë më 23 tetor, me Shqipërinë që do të zhvillojë ndeshjen e parë ndaj Ishujve Faroe në orën 15:00, ndërsa në po të njëjtën ditë, Bosnje – Hercegovina do të sfidojë San Marinon në orën 11:00.

Takimet e dyta të këtij turneu do të luhen më 25 tetor, me sfidën Bosnje – Hercegovinë – Ishujt Faroe që do të zhvillohet në orën 11:00, teksa kuqezinjtë tanë do të luajnë ndaj San Marinos në orën 15:00.

Sfidat e fundit në grup do të luhen më 28 tetor, me Ishujt Faroe – San Marino që do të luhet në orën 10:00, ndërsa Shqipëria luan ndaj Bosnje-Hercegovinës në orën 14:00./CNA





Lajmet e fundit nga