E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Çuditë e Botërorit/ Kosta Rika anulon miqësoren për shkak të vulave në pasaportë. Rrobat mbeten peng në Irak

17 Nëntor 2022, 18:25, Sport CNA

Kosta Rika, një nga përfaqësueset pjesëmarrëse në Botërorin 2022 në Katar, është përballur me një peripeci të vogël pak ditë para fillimit të turneut. Përfaqësuesja nga Amerika e Veriut, kishte parashikuar të luante këtë mesjavë ndaj Irakut një miqësore në Basra. Por sfida është anuluar për shkak të vulave në pasaportë.

Ka qenë vetë presidentit i federatës së Kosta Rikës, Rodolfo Vijalobos, ai i cili ka shpjeguar në konferencë për mediat se çfarë ka ndodhur dhe shkaqet e anulimit të ndeshjes përgatitore, pas ngjarjeve në kufirin mes Kuvajtit dhe Irakut.

“Në kufi kishte momente tensionim me të vërtetë të vështira. Gjithçka lindi pasi vinim nga Kuvajti dhe irakianët kërkonin që të vendosnin vulat e vendit të tyre në pasaportat tona. Por në takimet që kishim pasur me ambasadorin irakian në Kuvajt, si dhe me Ministrin e Sportit, kishim marrë garancinë edhe nëpërmjet një shkrese zyrtare, që në dokumentet tona nuk do të vendosej kjo vulë”, shpjegoi Vijalobos i cili tregoi më pas se pse Kosta Rika nuk dëshironte t’ua vulosnin pasaportat lojtarëve.

“Disa prej lojtarëve tanë luajnë në MLS. Por pas Botërorit ata nuk do të mund të ktheheshin në SHBA, pasi autoritetet atje nuk do t’i lejonin të hynin në këtë vend nëse do të kishin vulat irakiane në pasaporta”, deklaroi ai duke bërë të qartë se kjo kishte shtyrë delegacionin të bënte prapakthehu në Kuvajt e të anulonte miqësoren.

Por nga e gjithë kjo situatë, ka lindur një tjetër problem i madh. Para se lojtarët të ndaleshin me autobusin e tyre në kufi, në anën tjetër kishte kaluar autobusi që kihsse bazën materiale të përfaqësueses së Kosta Rikës, me veshmbathje, topa e çdo gjë tjetër. Ai tashmë gjendej në Irak dhe nuk dihet ende se kur mund të kthehet përsëri në dispozicion të tyre.