E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Super lajm për Francën, Benzema gati për Botërorin

17 Nëntor 2022, 14:21, Sport CNA

Super lajm për Francën, Benzema gati për Botërorin

Benzema-Deshamp

Të martën 22 nëntor në ora 20:00 kampionët e Botës do të bëjnë debutimin e tyre në Botëror duke u përballur me Australinë. Didie Deshamps ka ende dyshime për formacionin ku do të mungojnë emra me peshë si Pogba e Kante që as nuk janë grumbulluar për arsye dëmtimesh. I dëmtuar, në fakt, është edhe Karim Benzema. Ose më saktë ishte, siç u pa edhe në ndeshjet e fundit me Realin kur ai mungoi. Lidhur me situatën e tij ka folur vetë sulmuesi i “Gjelave” që për ish-kolegun, tashmë gazetar, Johan Miku, ka treguar versionin e tij të fakteve duke deklaruar se:

“Për fat të mirë jam thuajse në 100 përqind të formës. Nuk kam pasur dëmtime serioze. Kam pasur disa dhimbje që më pegnonin të jepja maksimumin. Zerat për tërheqja muskulore janë të pabaza. Doja thjesht të isha në gjendje për të dhënë më të mirën, por nuk është se kisha f rikë se mos përkeqëësohesha.”

PA RREZIQE – Te Franca konkurrenca është e lartë, por fituesi i “Topit të Artë” mbetet titullari në vijën e parë ku do të mbështetet nga Grizmani dhe Mbapeja. Nëse nuk ia del, Olivie Zhiru është gati ta zëvendësojë e po ashtu edhe Kolo Muani që sot do t’i bashkohet grupi nga i cili sapo është larguar i dëmtuar Nkunku.

Për Benzema që dje u stërvit vetëm 15 minuta më skuadrën, nuk duke se ka probleme e ai synon të jetë gati për debutimin ndaj Australisë. Duke folur më tej për situatën e tij, sulmuesi i Realit shtoi:

“Për asnjë moment nuk jam kursyer te Reali për të mos humbur Botërorin. Shqetësimet kanë qenë minimale dhe për çdo gjë jam konsuluar me mjekët e klubit siç po bëj tani me ata të kombëtares. Prej disa ditësh kam punuar në palestër dhe kam filluar të vrapoj.

Kam tentuar edhe sprintet dhe çdo gjë duket në rregull. Kam ende disa ditë kohë dhe do të mundohem të jem i gatshëm për Australinë.” Sidoqoftë, vështirë se 34-vjeçari do të rrezikohet nga Didie Deshamps që ndaj një rivali si “Kangurët” mund të tentojë suksesin edhe me pjesën tjetër të arsenalit ofensiv që ka në dispozicion.