web counter
LEXO PA REKLAMA!

SHKARKO APP

App Store
Google Play

E fundit!

x

U rikthye në Kombëtare, Manaj: Jam gati për Europianin

18 Mars 2024, 12:43, Sport CNA

U rikthye në Kombëtare, Manaj: Jam gati për Europianin

Sulmuesi Rey Manaj, tha se është gati për Europianin, pas rikthimit në Kombëtare.

Në konferencë për mediat, para dy miqësoreve të Shqipërisë me Kilin dhe Suedinë, Manaj tregoi edhe periudhën që po kalon në Turqi, aty ku po shkëlqen me fanellën e Sivasspor.

“Ekipin e gjej shumë mirë, është emocion të kthehesh pas 1 viti e gjysmë, të gjithë janë të motivuar se Europiani është një gjë e madhe dhe të gjithë e presin. Kemi pasur takime me trajnerin, por të gjithë lojtarët duhet të tregojnë veten në miqësore dhe më pas vendimin e merr trajneri se kë merr në 'EURO 2024'. Viti i kaluar ka qenë i vështirë se pata këtë dëmtimin, pata të njëjtin lëndim.

Për në Europian vendos trajneri, brenda mendjes sime mendoj që jam gati për të shkuar atje. Kam pasur gjithmonë komunikime, trajneri më ka takuar në Londër, jam i kënaqur pasi është dhe grumbullimi i parë, tani besoj se kemi oportunitetin që të tregojmë veten në këto miqësore. Kur një lojtar ka një dëmtim të rëndë duhet të stërvitesh, të marrësh formën ishte kryesore, në Sivas më bëri shumë mirë, ndikon dhe konfidenca.

Duhet të jesh i fortë mentalisht. Unë besoja që ftesa do vinte po të bëja mirë, dhe tani që kemi Europianin e dytë për Shqipërinë është një oportunitet për të gjithë. E pres mirë dhe stadiumi do të mbushet, kërkesat janë të larta tifozët na kanë mbështetur gjithmonë dhe ekipi pa tifozët s’është asgjë, e rëndësishme dhe kryesorja është të jetë full stadiumi që të japim 100% tonë”, përfundoi Manaj.





Lajmet e fundit nga