web counter
LEXO PA REKLAMA!

SHKARKO APP

App Store
Google Play

E fundit!

x

Trajnerit të Fejnordit i vlon gjaku për hakmarrje ndaj Romës: E mbaj mend Tiranën…

13 Prill 2023, 09:53, Sport CNA

Trajnerit të Fejnordit i vlon gjaku për hakmarrje ndaj Romës: E

Arne Slot dhe Fejnordi janë gati të sfidojnë Romën në çerekfinalet e Europa League, një përballje që rikthen finalen e Conference League, të luajtur në “Air Albania” majin e kaluar.

Në atë rast, buzëqeshën verdhekuqtë e José Mourinhos, falë golit të Zaniolos. Ishte triumfi i tyre i parë historik në kompeticionin e tretë europian. Për ekipin holandez, është ende një plagë e hapur, që nxit hakmarrjen.

Kujtimi i Tiranës, në fakt i ndez gjakun trajnerit të Fejnordit: “Mund të kem ndjenja hakmarrjeje”.

Të parët në renditjen e Eredivisie, +8 nga Ajax dhe PSV, me gjashtë ndeshje të mbetura, të besuarit e Slot tashmë janë fokusuar 100% te përballja me Romën.

“Le të themi se e mbaj mend shumë mirë atë mbrëmje të pakëndshme në Tiranë dhe e njëjta gjë vlen edhe për djemtë që ishin atje vitin e kaluar, por do të ishte e çuditshme nëse do të më duhej motivim shtesë për një çerekfinale të Europa League-s.”

Një mesazh i qartë për Romën e Mourinho-s.

“Tani kemi një ekip pothuajse të ri dhe janë dy ndeshje, kështu që situata është shumë e ndryshme në krahasim me disa muaj më parë”.





Lajmet e fundit nga