web counter
LEXO PA REKLAMA!

SHKARKO APP

App Store
Google Play

Allegri para çerekfinales në Europa League: Vlahovic si Ronaldo, i dua nervat e Paredes

12 Prill 2023, 19:31, Sport CNA

Allegri para çerekfinales në Europa League: Vlahovic si Ronaldo, i

Trajneri i Juventusit, Massimiliano Allegri foli në konferencë për shtyp para sfidës çerekfinale të Juventus ndaj Sporting Lisbonës në Europa League. Tekniku i bardhezinjve u shpreh në lidhje me kundërshtarët portugezë, por nuk harroi edhe të përmendte konfliktin me Paredes ndërsa mori në mbrojtje Vlahovic dhe Rabiot të cilët janë kritikuar vazhdimisht.

“Sporting Lisbona është një skuadër me shumë teknikë dhe me një trajner të ri si Amorim. Është një trajner i ri dhe i zoti. Duhet të zhvillojmë një ndeshje të mirë dhe të hedhim një hap drejt kualifikimit që të mos vuajmë në Lisbonë. Nuk e nënvlerësojmë Sportingun pasi përndryshe do të ishim të çmendur. T’i shkonim deri në fund Europa League do të ishte mjaft bukur dhe e jashtëzakonshme dhe rikthimi në një finale europiane do të ishte arritje e madhe.

Sherri me Paredes? Me Paredes kishim thjesht një konflikt idesh sepse ai ka luajtur pak në këtë periudhë dhe është normale që të ndjehet i mërzitur. Megjithatë, unë zgjedhjet i bëj në bazë të asaj që shoh dhe në të mirë të skuadrës. Nervat janë pjesë e lojës, e rëndësishme është që të gjithë të mbeten të përqëndruar në këtë fund të sezonit. Jam i lumtur që Paredes reagoi sepse do të thotë se kërkon të bëjë mirë.

Vlahovic? Nuk shoh asnjë problem, kritika ka gjithnjë. Këtë kanë bërë edhe me Ronaldon në ndeshjet e tij të para me Juventusin. Vlahovic duhet të ruajë qetësinë. Edhe Rabiot ka vuajtur kritikat në të kaluarën. Kishin nga ata që nuk donin ta shihnin fare në fushë, unë kam një memorie të mirë dhe nuk harroj lehtë. Dusan është po aq i fortë sa ditën kur Juventusi investoi për ta transferuar në Torino”, u shpreh Allegri.





Lajmet e fundit nga